八月十五日，陰晴不定ge星期日。

話說尋晚最後四點半先至訓教，

而今日就用個鬧鐘逼醒自己。

十一點起身之後，就做埋個勁趕ge工作。

跟住就出左北角同姑媽佢地飲茶。

飲完就先去商務買LE，再去買DVD Player，

最後再去埋精工買埋本VB同埋LE2A。

返到屋企之後，就練左一陣琴，

慶幸今日兩隻手都好聽話，彈得幾好，太好啦！

彈完之後就睇番以前我細個啲相。

哈哈！其實都幾得意丫，有啲就係幼稚園影，

有啲就係去旅行果陣時影，唸番起真係好開心。

但係Dup低個頭睇耐左之後，條頸就硬哂，好唔舒服。

夜晚就媽咪煮意粉食，好味好味！

至於啲功課就暫時未有進度，仲係差篇文同封面設計-.-

我唸今晚都係要早啲訓啦，尋晚已經唔夠訓啦，

聽朝仲要鬼死咁早起身打波，唉……