九月七日，仍然係一個不利我本人ge日子。

朝早就去左應承做音樂學會委員，

至於黃社果道就都有機會落實，是但啦！

班務堂果陣因為無第二個人做班會代表，

而我又無啦啦比人點左去做，好咩囉！

頭果兩堂綜合人民科，都係Ms.Law教，

佢真係好nice囉！今日就講左「天氣」課題，冇咩特別。

跟住就分組去做個專題報告，同Ricky, Raymond, Sara, Phoebe, Crystal一組。

我決定今年係唔可以咁趕啦，如果唔係就會做到死死下。

之後PE堂就真係做左好多野，Sit Up同Push Up同無影「燈」。

做無影「燈」果陣時，只要有一個做唔好，就要從頭黎過。

成四十秒，我隻腳係處於酸痛狀態。

話說今日跑跑下「十圈耐力跑」果陣時，開始落雨啦，

啲雨點打落塊面真係好舒服，好爽架！

做哂咁多樣野之後，我發現隻手臂同件衫濕哂，汗加雨水，唉！

英文堂都係分組討論啦，好輕鬆，冇咩壓力，好挽喔！

晏咒就同Jojo, Raymond, Michael, Ricky, Edwin, Irene加Carmen，

去左明記道食。我最後食左個月雞翼拉麵，幾好味，而個價錢都OK平。

好不幸地，我臨走之前唔小心將碗湯倒瀉左落條褲道，好彩好快乾姐！

飯後兩堂科學就係一位叫做Mr.Li既老師教……

一開始佢就出乎意料地比我地自己分組，

咁男、女班長就挽包剪Dup啦，輸左果方就要讓對方簡位先啦。

最後我就坐左係路邊果個位，望黑板同望老師同好唔舒服同習慣，唉！

之後佢比左啲佢細個ge相同成績表比我地睇，雖然有啲無聊，但係就幾好笑。

話說佢ge臉型係四四方方；性格係圓圓滑滑-.-

Mr.Li成日話我地講野無聊，但其實最無聊果個係佢，哈哈！

無可否認，佢果個Style係同上年Mr.Lam好相似。

佢有一樣野同Mr.Lam仲似架，就係：實際年齡比真人年齡細，

點睇佢果個四四方方ge樣都完全唔覺得佢年近五十。

跟住佢又無啦啦話自己有老花，跟住就突然搶左我本手冊……

今日就開始做實驗啦，但好可悲ge就係唔成功，其實可以話係冇做過。

其實今日就要點火柴，就將噂火傳落去條小木棍道，（傳聖火-,-）

但係點著左果啲火快就熄左，所以最後就係一事無成。

我同Jacky一致認為呢個係冷氣ge問題，嘻嘻！

放左學之後就仆左番屋企，一放低個書包，攞起塊球拍，就去左打波。

奈何今日打兩場雙打，一場單打，全部輸哂，無一倖免。

話說打波果陣時分開又做成百幾下掌上壓。

換言之，加上PE堂果廿下，今日做左成一百五十下……

返到屋企之後，成個人攰到痴線，

隻眼乾到打唔開不特至，完全冇哂精神，體力再一次透支，救命！