尋日星期五去咗做 Body Check，跟住去咗搵 Raymond 食晏，買咗啲嘢跟住就去剪髮，去咗間未去過嘅 Salon 剪，感覺幾好吖，我諗我下次都會去呢間剪！夜晚食完飯就繼續執我自己啲嘢，終於執好晒喇，宜家啲嘢好整齊呀，但係唔知可以維持到幾耐呢？哈哈！！！

今日同湯米做尖，去咗康怡，好多人，夜晚就去咗睇斷背山，我覺得一般好睇咋喎，又唔係真係咁感人，同埋又好似冇乜地方交代到點解兩個男主角會有咁細膩嘅感情，結尾又唔夠深刻同特別！仲有有啲女人見到兩個男主角除衫就哈哈笑，講真，有咩咁好笑呀？！低能！！！