尋晚，睇艾哲倫保迪主演ｏ既「鋼琴戰曲」，佢憑呢套戲拎左唔知邊年ｏ既最佳男主角。套戲好長好長，因為係劇情片，內容不過係講一個猶太鋼琴家係戰爭（唔知邊個戰爭......）中ｏ既經歷，得一個字”慘”，不過最後好結果收場，果個鋼琴家其實２０００年先過身@@
其中一ｄ場面都幾令人動容，例如德軍當街射殺猶太人；同埋艾哲倫保迪見住自己屋企人登上通往不歸路ｏ既火車，而自己就比人救左，果種絕望，真係非普通演員可以演得出；佢彈琴感動一個德國軍官ｏ既一幕，睇落好似好普通，但其實真係好有感情。
總括而言呢套係一套非常好ｏ既電影，唔會令人流淚，但係好有感染力，令人為果位鋼琴家ｏ既遭遇而感到痛心，我應該會租碟睇多次（因為途中有ｄ我無睇到，掛住睇鋼練＝　＝”）而艾哲倫保迪果然名副其實，不單止有好好ｏ既演技，而且仲有憂鬱而充滿恐懼ｏ既眼神，只要一望就直穿透人ｏ既心底，實在無得彈。佢係我其中一個最欣賞ｏ既男演員。

Ｐ.Ｓ.　特別一提，艾哲倫保迪個樣真係好似「怪誕屍新娘」個卡通男主角，我有ｄ懷疑佢比人抄左個樣。