都唔明白,我係覺得我屋企一家人感情唔錯呀,
但總係3日1小吵,5日1大吵咁,
次次都有野嘈,一係就話你點解咁夜返,
出黎咁多,
再唔係就話叫你做野點解唔立即做,
又或者係你答佢問題時點解口氣唔好,
唉,真係唔明,
成日都話我唔為個家做事,
但我自問我已經做得唔錯啦,
佢地仲想我點呀?
點解唔去體諒我,我依家中七,
讀書壓力唔大ge,日日溫書溫到咁夜先返為咩呀!
為ge唔係公開試?
點解佢地會話我呢d係唔做屋企野ga表現ga!
成日都同我嘈,嘈住呢d我根本就唔認為應該係問題ge問題,
唉........佢地從來都唔明我ge諗法,都唔會試去明,
佢地無錯係老一輩,又無點接受過教育,
但咁就代表我要好似佢地細個咁,向父母唯命是從嗎,
咁就代表佢地唔可以試住去了解我嗎?
唉......救命,越黎越唔想返屋企,一諗到返屋企就有可能同佢地嘈,
我就十分之唔願返啦.........
唉............
究竟,呢個情況要幾耐先有得改善呢?
我係唔係真係要好似佢地期望咁,
將自己ge一切改返到自己到,將佢地希望見到ge「載」上自己到呢?
好似咁樣我會過得輕鬆d,屋企都會和諧d..........
|
