今日搭的士返學快到冇野好講，十分鐘就到學校~返到去上phy，李sir就講翻佢以前讀書啲野俾我地聽.之後仲上左天台影相~我都係第一次上天台~真係好正.之後就上bio又係影相，上倫理堂又上天台影相，仲拍埋片添.Lunch就上左music room坐左一陣，陳太話想試我把聲~我都同佢講左把聲變變地.佢同我講話瞓多啲就冇事喎~Lunch過後個三堂又冇上，英文堂就落操場影，之後個啲全部係班房影~今日同左好多人影相，連呀Ling都一齊影埋.最後我仲同班人企左係張抬上面影.影曬相之後佢地就叫我落hall底玩，本來都唔係幾想，但係諗住都最後上課天喇~唔好理人地點睇，最後個個都玩到件衫整曬出黎.我都好小係禁.玩完之後就行落街市搭車，我行落去既原因係因為我想望多次條大直路~過馬路個陣，都有啲唔舍得條路，因為五年黎pe堂都係跑佢~返到屋企望下本紀念冊，我隱若見到善媛畫個啲公仔，畫得都幾warm ga~