十一月廿六日，好吝盡既我竟然冇帶到本SKETCH BOOK，

好彩Miss Wu今日心情超好，淨係記低我個名炸，唔洗罰企，好耶！

D.T.堂就終於用個LASER剪左塊膠片出黎啦，就黎完工啦，恭喜。

英文堂可以算係曾經期待過既，用左個QUIZ就開始左個

STORY TELLING COMPETITION

首先我就代表自己組出去抽籤啦，奈何幸運之神突然唔眷顧我，

我手上既果張紙條竟然寫住 “1” 呢個字樣，亦即係惡夢降臨。

坦白講我唔只有壓力，仲係好緊張，始終第一組出場係意料之外既事。

我地搞好晒個POWERPOINT之後，就正式開始演出啦！

成個流程都冇咩太大問題，淨係RAYMOND有一、兩句窒左，

而我都有一句讀錯左要臨時爆肚，唉！練十次都有九次讀錯呢句-v-

十分鐘既時間轉眼就過去，我地鞠完躬之後，理所當然贏到掌聲，哈哈！

第二組就輪到RICKY啦，其實都唔錯喔，都好流暢；

至於第三組，亦即係EMILY果組就真係值得一提啦。

雖然劇情唔算話係好突出，但勝在係自創故事，而賣點係家庭，

開頭果段最深刻都莫過於EMILY扮「衰女」果一幕，

我果陣望住佢個樣，坦白講好想樁佢。簡單啲黎講，入型入格；

VANNESS就有一句講到就黎喊咁樣，兩位演技都好好。

至於中段就有個魔術師係道RAP，個感覺的確幾特別，整體都好好！

最後由於「公平」既問題，我地遲左10分鐘先放LUNCH，

然而最尾果組由KEVIN帶領，點知佢呢日既表演簡直係……

嗯！希望我地呢日既表現唔會辜負MISS IP對我地既期望啦=)

中文堂就成堂用黎做作文互評，太開心啦，哇哈哈！

話說我地好快又要調位啦，我都有少少期待。

始終我如果再坐耐啲呢個位既話，隻右手肯定渣都冇得剩。

宜家BRIAN唔知發生咩事，好似痴左線咁樣，

成日係道搞爛GAG，搞到我地幾個都笑到死左咁樣！

慢慢開始覺得佢唔係好黑人憎姐，只不過有時係無聊左少少-v-