今日係足球學界既8強之戰
有8隊勁旅為左爭奪冠亞季殿4強既入場卷
而攞出最大既本領一決雌雄
而第一場既 南屯官 對 何福堂
就由何福堂係勢均力敵下以一球
落底傳中 穿過晒南屯官既後衛 係後柱區撞入
險勝1:0 真係好睇 南屯有既係身形 而何福堂有既係速度
兩隊都踢得好好 只係臨場運氣決勝
然後就係 屯官 對 可藝
講技術 屯官既防守係好少少
而可藝就差d
不過臨場發揮 士氣 同運氣往往比技術更係決勝關鍵
可藝就而短傳突破後衛防線攻下一城
再死守至完場 成功與何福堂擠身4強!
之後就係我地呂明才對仁田家炳啦
講體形 體能 我地上兩屇冠軍始終略勝一籌
不過係我地有傷有病既情況底下
上半場的確被對手既 高空控制 同左路突破壓住黎攻
幾乎係比人佔8,9成既攻勢
仲有兩球極度驚險 一球比門將陸熾救出 一球中門楣角彈出
而終於捱到中場休息 當然係比明道省啦..
但佢既罵人 每次都令我地有振作既力量
當然有一半係對手體能不繼同埋士氣低落啦^^''
我地下半場開始反攻 佔番7成既攻勢
可憐葉俊有病在身又要打好防守中場 又要掟界外球 辛苦晒啦>"<!
而我地全場第一球入波 由10號仔- 3-諾軒操刀罰球射入
真係靚到冇說話好講
入左一球 氣勢自然湧現 踢波亦愈踢愈順
對手再次犯規 諾軒再操刀 可惜差距少許
對手再三犯規 今次就入啦
下半場後段2:0 基本上都冇得輸啦
不過當然要守得穩d 2:0比2:1可觀!
最到臨完場5分鐘 對手既角球穿過左我地後衛線 到達門前
大家仲記唔記得世界盃期間 亨利受千夫所指既手球?
冇錯 再次重現 對手一名球員無意用手擋下
但冇意識示意手球 再橫傳撞入
我地就當然舉晒手 好彩球證睇得到姐 哈哈
最後完場 我當場吶喊好波!!!!
我地係第3隊擠身4強既隊伍
今日最後一場係唐賓南對新會
新會既成績5:1 5:0 2:0 非常驚人
但今日可能有主力或普通球員受傷,患病既因素啦
最後不敵唐賓南1:0完場
好啦 最後我地要面對強勁既唐賓南
如果贏左4強 決賽應該會更加輕鬆
希望同樣係紅色波衫既我地 可以保持0失球記錄戰勝唐賓南啦!
0失球 3場均勝0:0 5:0 2:0 呢d成績都比上年更靚
仲有邊個夠膽話我地今年廢!?
加油! 加油!
希望我既承諾能夠有機會實現;
希望完成呂明才3年冠既記錄!!
咁多位球員 李sir 明道 一直支持我地既老師,同學
我真係要講一聲 多謝!!
多謝你地既支持 鼓勵 同埋 批評!
下場係2月12號 星期六 10點半
係 兆麟足球場 以 主場 身份
決戰唐賓南!!
我地會做得更好!!!
LMC BEST!!!!!!!!
|
