記得中六開始時,我係一個人孤伶伶,
當所有朋友都離開呢間學校果陣,
就只有我係呢間學校,
一個人繼續我ge學業......
一直一直都好努力......
起初有諗過識新朋友,
先係Kaster佢地,之後係Wisdom佢地,
然後連Rose佢地都有試過,
可惜,一切都無好下場,
一係我發現我地唔夾,主動離開,
一係就覺得真係好難融入佢地圈子,
結果,一直一直都係自己一個.......
之後,我就試下同Alfred佢做 fd 啦,
講起都好笑,當初想同佢做 fd都係因為大家睇落都係無咩圈子ge人,
一齊做 fd 應該無咩負累, 唔洗驚融唔融入到人地圈子ge問題......
之後都幾順利,同佢成功地做左 fd,總算係學校唔洗咁孤單,
不過,其實當時大家都唔算話十分之熟,
有好多事都只談及學校同功課~學業,
對話都比較無聊,形式化.....
有d似為左有朋友先搵佢咁,
之後,就一直係咁落去....
到下學期,影響到我之後校園生活ge人生轉捩點出現啦.......
記得當時,話要分組做project,
要4個人一組,咁點算好呢?
我最多都只係同Alfred一組,但仲差兩個wo,
若果唔齊人,咪會俾人拆散到其他組?
之後,听到某個人同我講阿龜佢地仲未夠人,
就去問下啦,
我好興幸當初我有問佢地夠人未,
若果當初無問,我諗往後ge一切都唔會發生,
就係咁,我,Alfred,阿龜同阿Fan 就一齊做Project 啦......
佢地份人好好相處,同佢地一齊,我好開心,無壓力,無唔舒服,
慢慢地,透過做Project ,我地都較為熟絡啦,
然後,又因厭倦日日同官中d人迫食lunch,
我決定帶飯,其實中六初,我自己都有帶過,
不過大多數時間都係自己一個默默地食,
有時都會走去Rose 到客串下,
可惜,佢始終有太多自己ge朋友,
我總係感到融入唔到佢地ge圈子,
果陣,只帶左幾日就無再帶.....
不過,中六下學期,連Alfred都諗住帶啦,
咁咪一齊帶啦,慢慢地,都唔記得左點解,
就同阿龜阿芬,Koala佢地一齊食啦,
講真,真係好開心,終於....唔洗再咁寂寞啦,
終於....唔洗再一個人坐係一張大枱到,默默地食自己ge飯盒啦,
終於有人陪我一齊食飯,一齊有傾有講有笑.....
或者呢d對其他人黎講係好平常,好小事,
但對我呢講,我好珍惜,
無體會過一個人ge滋味,係唔會明白......
仲記得之後ge旅行,原本其實我係諗住都係一個人過ge啦,
見過個個人都plan住玩咩,我分分鐘需要一個人過,
plan d 咩呢?
不過,就係去之前兩日,佢地突然話一齊搞(唁記得係佢地問我定咩啦),
咁我都無咩所謂,咪一齊搞lo,
之後,係旅行中同Miss Kong講左少少私事,個人感受,
真係好多謝Miss Kong 呀!
中六生活中,認識到佢地,雖然唔算好 fd,但我心足啦.....
中七開始,我地變得更老友,雖然經歷好多事,
我地仍然可以做到好朋友,
真係好開心,就算已經講過好多次,我依然要講多謝........
我心裏面其實有好多好多野想同你地每個人講,
但係你地面前,無論如何都講唔出口........
只可以好概括咁講,同你地一齊ge記憶係我最珍貴ge回憶.....
下次,記得而狀態又好的話就係度每個人講吧!
|
