呵呵聽歌打QOOZA真係人生樂事:P
真係好鍾意將生活發生既每件事記低-V-
搞到打QOOZA好似寫日記咁樣@@
希望呢啲點點滴滴可以保存到我大個，長存係腦海中:)
我絕對相信遲啲睇番呢一字一句會好得意:D
八月廿七日朝早返左學校有中一迎新日啦，
話說我地同班同學留係班房果陣時，
我地要幫手帶遊戲，等佢地互相認識下=)
好高興我果個OPENING做得唔錯，
冇講漏或者講錯內容，但係好似講快左啲@@
坦白講佢地玩遊戲個氣氛一般，比較靜……
更加可惜就係果一個鐘好快就過左，
同埋有一個所謂壓軸既遊戲要取消X_X
返到屋企實在太眼訓，隻眼基本上會自動合埋，
所以再次昏迷式咁訓左三個鐘，真係好爽！
夜晚去左富臨皇宮道食飯，好味好味:P
八月廿八日可以話係好耐冇試過行咁耐街既一日。
晏咒係大坑間OYSTER BAR道食左個SET，
就係煎鯛魚柳配意粉嚕，哈哈諗番起都流口水，
件鯛魚個皮煎得好脆，裏面既肉都好香:P
嘻嘻我一定要搵多次機會ENCORE呢間餐廳-V-
之後就係百德新街行左成個晏咒，
什麼I.T.啊`DKNY啊`全部都唔會放過XD.
之後見到對好鍾意既尖頭皮鞋同兩條黃色同紅色長褲，
點知三樣野都冇我個SIZE，搞到突然「上火」……
哼我一定要繼續操FIT自己，短期內要著到！
之後又見到間買LEGO既專門店，隻眼發晒光@v@
睇中左好多盒，特別係最大同最靚果兩盒……
哼我決定搵到錢一定要買起晒佢地，衝衝衝！
睇完之後好似唔捨得走咁樣囉，咩事(?)-___-
另外仲睇左好多件CLOTHINGS，點知冇咩特別:S
最後再係5CM買左間西裝，黎緊舅父結婚果陣著:P
回想起上次著西裝已經係十年前姨姨結婚既事嚕嘻嘻:O
距離返學得番三日，真係好期待啊哈哈！
一齊出去食飯既就繼續一齊；FD開既就繼續FD:)
唉我到宜家仲未決定好究竟聽朝仲去唔去打波，
因為聽日晏咒約左成班小學同學同老師食野@@期待XD.
呵呵呢幾日係FACEBOOK同MSN好似失左蹤咁樣，
所以黎緊呢最後三日`我既終極宗旨就係玩同傾飽去！
好喇咁又三點半喇，各位晚安~聽朝又做熊貓……
|
