我D頭髮基本上已經同咋草係冇分別
雖然之前漂既頭髮已經剪得差不多

而我開始重視頭髮既保養既時間已經好遲
由其上一次去完海灘個頭簡直係不受控制
個頭夾完半個鐘出到街已經變曬型
變左出街見到鏡都走開

以前D同學朋友見到成日話我D頭髮
問我做咩唔搞番好D頭髮..果陣自己又唔係好識..
真係有苦自己知

不過係上次去整頭髮既時候就知道其實我D頭髮仲有得救!!!
所以從此之後我就開始保養番D頭髮

介紹一下平時我既做法啦

首先係洗頭水同護髮素都係用tsubaki既白色
姐係damage care

洗完頭之後一定一定要吹頭
要介紹下我既恩物
係吹之前要用呢個
 

大島椿 - 山茶花傷護美髮油!!

佢已經入左@cosme既殿堂
對於d爛到咋草咁既頭髮黎講
簡直係救佢地一命!

基本上我係洗完頭印一印D水..
因為我D頭髮少少乾已經飛曬D毛燥出黎好恐怖
落幾多其實係睇個人髮質而定
一開頭會建議試下落2,3滴係手心
然後查係髮尾到..之後可以再慢慢查其他頭髮
小心唔好用太多唔係個頭會睇落好油

最後就用番熱風吹..D頭髮就會吸收架喇
((吹頭果陣順住D頭髮吹唔係會吹起曬D毛燥 ))

我自己剩係髮尾已經要用5,6大滴
加埋頭頂D頭髮又另外再用
不過就算好似我咁大用量其實都用到幾耐下.
所以我覺得都幾抵用
 

最近友人介紹我用呢個
リーゼスムースヘアカクテル

smooth hair cocktail
中文叫 瞬間柔滑魔髮水

係@cosme睇下評價好似唔錯wo!
就去買番黎試下

好香呀噴左落個頭到陣咋冇咁濃
佢面面有層野用之前搖一搖就OK喇!

我會係出街之前夾頭髮果陣用..
因為都只係用過1,2知所以未知效果如何

其實只要用日肯花少少時間已經可以搞番好D頭髮
到爛既時候只會花更多更多時間..
仲要好痛苦咁個頭點整都整唔到鐘意既髮型