延續番上一篇講陸運會同埋學界羽毛球比賽完結之後啦:D
去到銅鑼灣會合番佢地十二個人之後就浩浩蕩蕩去OP嚕-v-
我覺得我有需要列番佢地咁多個人個名出黎囉哈哈，
JOJO`HENRY`SARA` BREAD`MAN`PHOEBE`CRYSTAL，
仲有RITA`NICOLE`EDWIN`MICHAEL同BRIAN@@
我真係好多謝你地咁多個比左好多EVER THE FIRST我:P
呢次係我第一次咁晏入場，同咁夜離開海洋公園；
呢次係我第一次同成班咁好既朋友入鬼屋；
呢次係我第一次比你地既朋輩影響上左跳樓機；
呢次係我第一次同你地咁喪怒叫自己個社個名；
最重要就係呢次絕對係我同你地目前玩得最開心既一次；
亦都會係我最難忘既一晚，好啦言歸正傳嚕嘻嘻:P
話說我地玩左好多機動遊戲，越礦飛車都連續搭左兩次，
每次我地都係道大叫TOPAZ，個感覺真係好舒服@@
我地十幾個人仲好鬼嘈咁樣高歌，真係好好笑:D
四周圍都基本上黑晒，我地仲舉起隻手咁衝落去:O
我真係好享受呢種追求速度既快感囉哈哈哈哈XD.
海盜船好意外咁等左好耐先有得玩，但係個離心力似乎……
唔知點解覺得好似不外如是咁，已經唔係坐最中間果排LOL
跟住就有幾個人受MAN同BREAD慫恿下玩左次跳樓機，
其實我本人就係排緊果陣時已經好驚，臨上去果陣更加，
PHOEBE就係咁同我GIVE ME FIVE，賜我力量哈哈！
坐係個位道衝上去果刻真係好極速，果然係極速之旅-__-
去到最頂果刻再望番落地下道淨係見到五光十色既燈*V*
其實果陣真係好驚架囉，完全唔知邊一秒會極速跌番落去，
突然之間感覺到個離心力係有史以黎未試過咁勁既，
跌左段距離之後再次換黎就係不外如是既感覺，
因為心理上好似已經適應左，但無疑真係好爽@@
出乎意料地呢晚個飛天韆鞦完全冇人排囉，
你話我地又點可以唔玩呢呵呵haha……
結果我地咁多個就除晒啲鞋係空中飛黎飛去^0^
PHOEBE仲好癲咁樣話要叫下TOPAZ既口號囉哈哈！
GIVE ME A T…GIVE ME AN O…GIVE ME A P…
GIVE ME AN A…GIVE ME A Z…WT’S THAT? TOPAZ~
明顯大家呢日係運動場冇叫過口號口痕啦哈哈:D
除左機動遊戲當然不忘呢次黎既目的啦──鬼屋！
最初到達就排左大半個鐘，為既就係清宮殘異錄，
奈何SARA太驚就搵埋JOJO同佢係周圍貢唔玩-V-
我地企起間鬼屋個入口前面猶豫左幾秒，比人催果陣，
BRIAN同EDWIN就身先士卒咁樣入左去，
而我地每個人就好似火車咁一個搭住一個咁向前行，
當然好多時都係啲轉角位就有啲野彈出黎啦，
又或者攞住啲刀、化行妝咁樣穿穿插插，
但最恐怖既都係周圍都好黑，突然佢個冇個地方彈出黎@@
有啲仲會係個天花板開門咁樣驚你，叫你行快啲-v-
有時真係幾恐怖同擔心架，完全唔知佢地幾時彈出黎嚇你！
之後我地去到第二間鬼屋──腥級片場:D
原本真係以為坐係道睇恐怖片咁啦，點知原來唔係._.
第三間鬼屋就係猛鬼尾班車，JOJO同SARA都冇玩到@@
好慶幸呢兩間鬼屋加埋都排唔夠三十分鐘，實在太快喇:P
唔知點解呢個鬼屋已經冇頭兩間咁驚喇，
可能係因為已經適應晒佢地會幾時彈出黎:S
加上啲嚇法黎黎去去都係果幾樣-V- 注意窗口XD.
所以對比之下呢間係驚嚇度較低既，但當然我都係有尖叫*0*
最後仲搵左好多隻鬼影相添啊，當然係搵啲個樣溫和啲既，
我地十幾個人拼埋一齊，加埋林林種種既鬼真係好開心-V-
遺憾既就係冇得同LADY鬼鬼影相……似乎缺少左個代表性/_\
另外再提啲冇咩連貫性既野啦，當然都係有記念價值既:P
話說有段比較寂靜既路，得我地十幾個人行架姐哈哈！
之後PHOEBE即刻好似鬼上身咁樣，不停嚇RITA@@
佢果把聲係極度幽怨，啲眼神又散渙，行路行到好似識飄咁，
基本上連正常人驟眼咁樣望落去PHOEBE道都以為佢撞左鬼LOL
我地係人山人海既情況下離開左海洋公園，已經係十二點幾……
呢刻基本上我地每個人隻腳都係極度酸痛，特別係我><
但當我發現跑既話會令隻腳舒服啲之後，好多人跟住跑:P
最可愛既就係呢個時刻我地仲要犧牲隻腳，為的就係追巴士._.
我地全部人霸佔晒巴士上層後排，個個都訓晒係度，
好似一具具屍體攤晒係道曬咁樣囉哈哈，場面極為震撼-v-
用左十幾分鐘返到北角仲係間通宵既麥當勞逗番到兩點鐘:O
完全估唔到呢晚仲有咁多人食麥當勞…仲以為我地包場添haha.
結果我就補償番比呢日好似未食過野落肚既自己，冇停過@@
食左個漢堡飽、薯條、兩隻雞翼、一杯麥旋風同杯熱朱古力:P
之後仲影左幾張無無謂謂既相，見證我地既體力透支既一刻:$
最後有賴JOJO媽咪揸車送我地返屋企，麻煩晒喇哈哈^0^
最賽既就係我地回程仲係不停傾計，唔知點解可以咁好氣-__-
點樣都好真係好多謝你地比左個咁難忘既夜晚我，
坦白講我真係從來都未試過玩得咁開心同咁夜先返屋企:P
但有樣野我真係好唔明：點解呢晚會攰過係長洲通頂？
嘩呢篇馬拉松式既QOOZA終於……幾氣呵成喇哈哈-V-
辛苦晒大家花左咁多精力去睇啊哈哈=)
|
