唷呵成個禮拜都好似過得好快咁樣@@

岩岩呢個晚餐雖然話就話食牛扒同埋羊架，

但果塊安格斯牛呢…個密度好高，咬唔到既:(

佢地宜家又係開檯既時候，岩岩代打又食左糊，

哇哈哈，其實真係好耐都未試過食咁大喇^0^

諗番起上個禮拜五夜晚去左婆婆屋企睇舅父上頭@@

繼幾年前之後都未試過見證咁CLOSE既人結婚喇！

果晚仲打機打到唔知時日過，訓教都已經係三點既事lol

已經長期處於唔夠訓既我再次訓得果幾個鐘又要起身._.

不過冇咩所謂啦，因為真係件好值得高興既事黎:D

之後擾擾攘攘又影下相，佢地又飲下茶就完左個「儀式」:P

晏啲就換左套衫去左酒樓睇佢地兩個註冊@@

個律師真係好搞笑，不停爆肚考佢地兩個啲臨場反應-v-

最後唔知做乜野自己見到佢地兩個咁又喊左出黎:$

等開席之前仲同阿妹澄澄同細佬汛汛玩左好耐，佢地好得意:)

最開心既就係澄澄開始終於肯跟我去第二道喇*V*

我仲同啲表哥打左幾鋪牌……其實咁公開坐埋位打真係好怪><

後黎開席之後佢地兩個步入個「禮堂」道我又喊，咩事LOL

睇番佢地啲生活照同講既野好開心@@因為有啲相有我份:P

中段果陣時新娘換晒衫坐晒係度，之後舅父安排左九十八支花，

將請現場既親戚朋友排住隊咁樣送比新娘:P　

我仲見到都係好眼淺既靜姐姐已經又係唔知第幾次喊:’(

而九十八枝後果一枝就係由舅父行出黎送比佢@@

其實當時個場面真係感動到冇人用，佢仲講左好多冧既說話:O

而我亦都係呢日入面第三次隻眼變得模糊，開始有眼淚X_X

雖然呢日喊左總共三次，但流既眼淚全部都係喜悅既淚水黎:P

真心祝福佢地兩個百年好合，永遠都係開開心心咁過日子^0^

十一月六日我基本上係打破我歷年溫書既記錄，真係唔簡單-v-

話說我起身之後就不停對住啲PHYSICS`BIOLOGY`LS，

隻眼差唔多冇一刻係離開過關於呢三科既所有教材，

呢日連電腦都好似冇接觸過咁樣，真係經典中既經典！

雖然已經係由朝溫到晚，但去到好夜仲係做緊PHYSICS練習，

果刻發現無論我朝早幾快溫完BIO同LS都係無補於事，

最後呢晚再次捱夜，又搞到兩點，我唔要再試臨急抱佛腳喇！

長期唔夠訓結果令到我個傷風極度嚴重，考完LS仲攰到咩咁，

不過好彩前晚既辛苦都冇白費到，因為果三科都表現得唔錯。

呢日晏啲又去左打果個羽毛球學界比賽，

真係唔明點解呢年啲賽程可以撞到咁樣囉LOL

連測驗都唔可以比我好好咁溫書><唉好失望:(

呢次對筲官更可以形容為慘敗既一役，

只能講句既就係我地學校直落三局輸晒，拜拜！

果晚返到屋企仍然係做左樣測驗考試既慣性動作，

唔知點解每次溫親書，見到果堆字就會咁鬼眼訓:S

結果我返到屋企訓左陣，食埋飯，睇埋電視先開始溫……

雖然EPA算係極速溫完，但係唔知點解數學硬係差啲咁，

果啲要用PROOF去計既既數好似愈計就愈冇把握咁，

搞到我原本有唔少信心都突然唔知去晒邊囉><

所以決定計多啲計多啲，睇番MISS LEE上堂抄比我地既題型，

跟住再不停畫左幾次果啲唔穩陣既CONSTRUCTION，

結果拖下拖下又係搞到兩點半，咁搞落去我好快收自己檔-___-

不過好彩，做完果兩份卷之後都冇咩特別大感覺既哈哈XD.

呢幾日TEST既時間對我黎講真係好似有啲長@@

每日都係返到屋企就HEA，之後溫少少又訓教，

最後就再開夜車咁爆背，搞到第二日頭痛多鼻水眼訓X_X

宜家測驗已經溫到人唔似人，鬼唔似鬼，考試點算？