唔知幾多年開始，每晚都係方健儀報無線新聞，

記得仲有年行旺角花墟果陣時見到佢本人添:P

早幾日佢句「多謝支持、後會有期」結束無線生涯-V-

到ICAC另謀高就當然係件好事*V*但有少少可惜咁囉:S

跟住尋晚同爸爸媽媽去銅鑼灣間清亭越南餐廳道食啦，

門口豎立左個牌寫住三月就結業，希望後會有期LOL

如果冇記錯，以前細個果陣時我係成日都黎架囉，

結果就叫左好多好多野食啦，當係最後既懷念(?)

生牛肉河粉、牛油雞翼、春卷、椰香海鮮焗飯、

仲有兩樣就係蝦餅同椰汁粟米糯米:$太好味喇:D

呢個禮拜好似好多身邊熟悉既東西唔見左咁樣XD.

我其實真係好唔鍾意接受同適應身邊既轉變:(

上個星期六就冒住寒風咁樣係南豐同康怡賣旗啦，

其實都真係幾好玩架，因為係首次嘗試嘛XD.

話說之後患左個賣旗後遺症添囉，個病徵就係：

每係街見到人都有衝動，請問可唔可以幫手賣枝旗-__-

呢日其實都幫失明人協進會搵到唔少既資金架哈哈，

最初開始賣果陣時其實唔係好想周圍問人，

但係過左幾耐發現你絕對要見人就問，除左買左果啲:S

過左呢日我發現到其實賣旗既義工都真係幾辛苦，

首先就係佢地長時間攞住個裝滿錢既旗袋，隻手會酸痛。

呢日我見到五種人，一種見到你會主動埋來入錢既，

一種你行到埋去問佢幾句，交流下佢又會入錢既，

亦有啲離遠見到你就會過定對面馬路先，撞鬼咁；

又或者係我講完大輪野佢當我透明行開就算，講句野都好丫:@

最後就係明明褲袋好多錢撞錢既聲，但都話冇帶硬幣！

呢刻我終於明白到原來長期性比人拒絕係件好慘件事._.

岩岩個星期二夜晚終於買番部電話喇，雖然係同一部，

但咁樣已經足夠喇^0^我唔會再咁唔小心架喇@@

呢晚仲去左元氣到食添啊，呵呵件日式芝士蛋糕真係好好味:$

星期三仲有個CME既會議，傾緊黎緊課堂周會有咩活動，

結果搞左個半鐘終於初步諗好大鋼啦，好有滿足感啊真係XD.

跟住果幾晚都係不停搞CME SOCIETY`中文劇本同LS既野啦，

唉雖然呢種生活好忙，但其實充實之餘我自己都幾享受XD.

但有樣野唔好就係，因為可能承受緊一定壓力，晚晚都訓唔冧._.

就連星期六、日同今朝六點幾都會醒囉，除左要包雲吞之外，

我諗自己應該都係受到長期既生理時鐘影響住-____-

岩岩果個星期五因為家長日既關係我地又可早放嚕:)

呢日又同HENRY`RICKY`ALEX`SARA`HENRY`PHOEBE`

JOJO`BREAD`MAN`CRYSTAL`RITA`CHI去左飲茶:P

我地始終覺得呢個翠湖好似冇海寶咁好食囉哈哈:D

點都好啦我都最後都叫左差唔多廿個點心仲有兩碟炒野:O

有時覺得我地好似好大食咁樣囉，成檯都係野@@

之後食野同左HENRY去麥當勞，睇住佢趕功課LOL

我都食左杯麥旋風，哎呀究竟當初點解會食上癮(?)

夜啲係學校同番媽咪會合見MS.LAU攞成績表啦，

都冇咩特別，MS.LAU係話我作文要加油X__X知衰架喇:P

至於啲咩平時分我懷疑有少少亂比架囉，真係笑死我！

中史`GEOG呢啲唔舉手分別有9.9同9.6@@

科科拉番混之後，基本上可以用不過不失四字講晒:)

我既目標好簡單，下學期可以保持住呢啲成績，繼續努力`!!