話說，一早之前幫阿囡報左名參加數碼港的爬行比賽
但.....病左
最近, 又再幫佢報名參加BABY KINGDOM 係MEGA BOX 既爬行比賽, 點知
賽前2日又有病
真係好邪, 每次BOOK左去影相,BOOK左去玩, 預早約左人都病~  今次見佢唔係太嚴重
決定.......................去左先算~ 
預定時間去到MEGA BOX, 登記左~
見仲有時間, 又去換片, 又去睇COUNTER
卒知....MISS左佢個組既比賽~  好彩好好人既工作人員俾佢再參加另一組, 今次, 只好乖乖企係等候區等啦~
咁啱，又見到同阿囡同一日出世既隔離床朋友仔, 仲一齊爬添, 真係開心
大家同一日出世，阿囡連隻手都細過人~
一開始, 阿囡好乖咁坐定定係起跑線
其他BB已經走黎走去，佢仲好乖咁坐左係度 (其實係佢仲未識行啦~  ) 一聲令下，個個BB都開始郁啦, 我個囡.....................
仲好乖咁坐係度~ 係咁望住隔離線媽媽既玩具~
我攞左佢最愛既奶咀, 佢都無動於衷, 望都唔望~  我直頭將個奶咀塞入佢口, 再強行攞番出黎
佢都無反應~ 
好心急, 都唔知有咩分方法，
突然，我問佢：去唔去街街
佢點頭
我話：咁快D行啦~
THEN, 佢NON STOP咁爬, 一口氣爬到終點~ 
我都無睇到其他小朋友, 只係諗住阿囡爬到終點完成賽事就算啦~
點知...大會同我講
我地係" 冠軍"
原來之前有2個小朋友最快, 但因為佢地有行, 所以, 取消資格  而我呢個唔識行既囡, 就係咁..........WIN左啦~  真係超級符碌同搞笑~
原來冠軍仲有好多禮物添呀~ 
呢個冠軍, 就當係阿囡送俾我既第一份母親節禮物啦~
係度, 祝各位母親, 母親節快樂~ |
