去完捐血冇野做...我哋去咗摩卡....不過因為我覺得唔好玩...因為好難明.....所以禁住Lily唔俾佢玩...搞到佢好冇癮......
夜晚跟Lily去唱K.....因為話有個同學失戀.....請唱K.....所以有得去玩咪玩LO...不過點知唔係咁簡單....
我以為因為阿某同學失戀.....咪俾Lily去陪佢LO....不過佢哋兩個唔係好熟....咁我咪抱住睇下失戀既男生係咩樣既心態當去玩吓囉.....
阿某男同學係喺國內移民過嚟的....在故鄉有個很要好既男朋友....怎料上次回去才發現桃花依舊...人面全非啦....個女生同咗第二個一齊.....個BOY失戀...SO搞唱K喎~我就成晚喺度諗闗於異地戀既問題啦.....覺得個女仔變咗心...算唔算係個女仔既錯呢??但於終覺得女仔需要很多的陪伴...所以呢..個BOY唔可以陪喺佢身邊真係一個好大既問題LO...
成晚得戈小貓三四隻去....TOMMY係第二個最熟既人....不過我哋既友誼喺初三已經完嘞咗....唔知佢記唔記得我哋曾經好FRIEND呢??點都好啦....真係估唔到乸型(真係好對唔住,,我以前真係咁諗..)依家已經變得好BOY..或者好MAN啦......又由於以前FRIEND過......所以同佢講野我覺得好尷尬LO......成個人好唔自然....眼神又閃X(唔記得點寫)....總之就好禮啦....到咗差唔多最後既時候先熟返小小.....
因為男主角失戀...所以我覺得Lily借出嚟俾佢挨....俾佢咬耳仔講秘密都冇所謂啦.....所以好放心咁冇理佢哋....點知.....這次唱K不是那麼簡單的.....
到最後既時候...Lily同我講返個BOY講既野....原來佢想同Lily一齊....而且Lily覺得都冇乜問題...同邊個都冇乜所謂.....佢話唔知點好....我知佢唔係徵求我既意見...只係通知我一聲....一開始無乜FEEL...但越諗覺得越唔對路.....
近排先知道Lily喺我身邊既角色...原來係扮演臨時既王子....因為一直都俾佢寵愛住...但現在佢既王子出現咗....咁佢就要去做返公主先啱LO.....其實得自己真係冇權力去阻止佢追求佢既幸福.....只不過以為我哋之間仲有好多時間......我都知道總有一日...我哋會.....但估唔到咁快LO....
我應該點面對佢既NEW BF呢???好似以對戈個咁...見到佢哋膩在一起就想用眼神殺死佢咩???我覺得唔想同其他人分Lily呀....我認自己占有慾強呀....走既時候...佢想拖Lily隻手....我想放開我哋隻手...不過又唔想做得太明顯...咁Lily可能會唔好受....
事實就係事實....雖然佢冇話唔要我....但我自己都會識做啦.....食鹽有咗BF之後...我哋都好少去搵佢啦....因為唔想做情人眼裏既沙子....我要唔要喊呢....想又覺得係自己太誇張.....所以...我就喺自己既世界裏面自導自演啦.....
覺得過咗今個零晨....失戀既人唔係戈個男主角...因為佢已經有一個新既啦....失戀既人變成係我啦....或者失寵會貼切D....雖然以後我哋仲會一齊行街...但我覺得點都係應該留返多D時間俾男朋友先啱既....有咗佢之後...Lily就唔會咁寂寞啦...對佢係一件好事嚟既....我哋係應該個都寂寞所以走得很近......當一個有男朋友既時候...係咪意味住另外一個已經不被需要呢....我知道佢一定話唔係....因為我都覺得愛情同友情會好難兼顧...或者....我都應該去搵返個啦....咁樣我哋既立場就對等啦.....
點解D人分手冇幾耐....咁快就搵另外一個既????????????
|
