唯有與組員會合，可是險些兒給他們趕走。因為他們話我面青口唇白，我話是因為無乜野落肚，以我的食量唔餓死算好彩。加上在班房受了超凍冷氣，無辦法。

然後他們去吃飯，而我則回停車場抖一抖及吃自備白麵飽。

好不容易等到他們回來，可是想睇長者佈道的同工要先開會，那唯有自己先去，幸好最後有3b回來陪我。

去到中後段，可能因再次受超凍冷氣關係，覺得頭重重好似有點兒燒。

加上從起來後一直有想嘔的感覺，和往常的腸胃炎有點有同。

因此決定去看醫生，醫生話係胃酸分秘失調，叫我除了食藥，還要戒口，唔好食酸辣油脷、刺激及難消化的食物住。哇！！！咁深奧。

 

我：可唔可以食生果？

醫生：可以但唔好食檸檬、西柚，因為係酸。

算啦！問落去都沒結果，總好過只能吃白麵包、白粥。

至於吃藥，咪玩啦！雖然只得4種藥，但一粒要餐前半小時服，一粒要嚼碎後服，好似想我唔食咁！

 

好唔開心呀，要食藥，我吃白鳳丸都攪到想嘔咁滯，仲要真係病。

我唔只係唔鍾意食藥，我係會唔肯吞藥，點算呀..........................