尋晚約埋佢地五個係Y-SQUARE果度一齊搞個廣播劇-V-

最初傾完配樂我地對稿，超時同不停吞螺絲，差啲發癲:P

果陣時都已經七點幾，唯有食轉譚仔再返去繼續搏殺啦:$

八點半當然係聽RAYMOND佢地個中史廣播劇啦*V*

我地企係後門電梯口圍住咁聽好傻仔haha惹黎目光.3.

跟住又係百佳買左排維他奶麥精上去做精神食糧，好好食:)

我地六個真係幾好笑囉，呢日個進駐地係九樓既一個角落:D

錄錄下會諗到好多笑點，有啲突然爆肚講啲低B野啦@@

跟住RAYMOND跳緊甩手操果陣時成隻手撞落欄杆到痛死...

我地仲要刻意製造啲腳步聲，總之個過程就係好白痴好好笑:$

原來大家要食飽先入到戲，都幾順利囉，錄完聽番好滿足*V*

嘿但其實大家都已經冇咩精神，基本上係訓係地下度錄咁:O

話說十一點鐘仲未錄完就比管理員趕左落地下長櫈繼續-____-

成班人個處境就超坎坷咁，吹住風錄音，好似無家可歸咁XD.

花左兩個鐘頭錄音，去到最後煞科戲完左大家都高聲歡呼:P

要錄廿三段，冇咩NG已經好順利啦，後期製作要努力:)

前日其中一個表哥結婚喇，咁大個仔首次去教堂參加婚禮:)

當然要祝佢地舉案齊眉、百年好合、永結同心啦，嘿嘿^0^

好特別、好新鮮，祈禱讀經唱詩歌敬拜，成個場會就好溫暖:D

其實爸爸好多兄弟姊妹，所以呢日能夠聚首一堂真係好難得:)

嘿話說呢日影相先發現我果輩年紀最細既就係自己啦haha.

但當然我下面果輩都有唔少BB啦，個個都好得意架*V*

雖然同伯母堂家姐堂哥佢地年幾冇見過，但都一見如故咁，

被安排同檯食飯之餘仲可以互相問候傾下計真係好開心囉XD.

原來短短幾個鐘既飲宴真係過得好快，期待下次見面啦B-)

唔知點解呢排幾多假，但唔同人就忙唔同既野，激鬼死:@

結果今日又係成日留留長係屋企收拾下心情咁啦haha.

呢日當然唔少得就係開始剪接定廣播劇果啲錄音啦^0^

每整完一段聽番就會覺得好爽，加埋背景音樂的確唔錯:$

我宜家真係好期待一個星期之後呢段錄音檔可以面世:D

好消息`!! 聽日終於可以打波喇，再唔做運動肌肉會萎縮:P