今日成日都落雨，其實都幾厭惡囉@@ 對鞋濕晒XOX
短達九日既復活節假期終於展開，暗示死亡三月已經完結:$
終於唔洗為左啲PROJECTS同班會野係咁CHUR喇-W-
當然呢個假期溫書係少不了架喇@@ 我要努力考番好啲.3.
記得上個星期有日起身好似有少少暈咁，有啲唔舒服，
心諗終於等到發燒可以請假-__- 點知體溫只係高好少...
食左啲藥就冇再理喇X__X結果果日晏咒已經咩事都冇-V-
或者自己見仲有兩個TESTS要搞，所以唔比自己病掛-3-
但係果幾晚不停溫，再一次係短時間內夾硬加大個記憶體-__-
成效當然唔高啦，果兩日測完之後完全冇良好既感覺XD.
好囉...呢啲就係太遲溫，仲要唔專心溫書既後果黎架喇+__+
最重要既係經歷完呢個星期我想一口氣DROP晒三科去:O
話說BIO又考得唔好、CHEM開始要花好多時間去追進度、
至於ECON測得唔好之餘仲有個重要既CONCEPT未搞好:S
呼~___~ 睇黎我要趁住呢個假期重新打番好基礎同預習下啦@@
英文果個DRAMA WORKSHOP亦都宣告完結喇嗚啊T^T
記得最初上MR.SEAMUS既堂真係覺得好悶好悶囉-3-
每堂都係講點寫稿、點走位呢啲全部都係理論既東西-V-
果陣時我真係恨不得呢十堂連堂快啲完就好喇hahaha.
直到後期佢講我地要寫稿因為佢會ASSESS我地再比分:$
結果成班同學由玩玩下既心態認真上黎咁樣上演一齣好戲:D
嘿放完農曆新年假我地成班轉死性咁，SEAMUS仲讚我地:P
去到最後一堂@@ 每組輪住咁樣係成班同學面前表演嚕*V*
雖然表演時間只係短短七分鐘，但係我真係好ENJOY ^0^
我相信全班同學，就連SEAMUS同MALAMIDIS都好欣賞:)
大家放低最初對呢個WORKSHOP既印象，放低自己既性格，
呢種感覺真係好爽囉我覺得:P 只可惜冇錄影留念啦ORZ......
同SEAMUS相處耐左有另一番感覺，佢真係好NICE好型(Y)
每次都會去唔同組睇佢地綵排一次，留意邊啲位可以精益求精:P
話說要講拜拜果陣時都有種唔捨得既感覺，好似好快就完左咁:$
佢地兩個外籍老師離開課室之後，我先醒覺有樣野未做囉haha
結果我地就飛奔去到佢面前，問到佢可唔可以影張相留念果時，
佢就話呢個係佢既榮幸啦，同埋都搵唔到任何理由拒絕我地B-)
佢成個樣好慈祥，眼晴有啲紅咁...或者佢都唔捨得我地XD.
呢幾張合照令到個WORKSHOP係完滿而無遺憾既情況下結束:P
我宜家真係幾享受ART堂，MRS.CHAN比左好多自由我地:)
幾經辛苦終於開始為我地果幅GROUP WORK上底色喇@@
但話說我地仲要影多好多相先至可以一次過痴落去囉>_<
或者呢個星期成個人唔夠訓，有啲病，搞到啲狀態下滑-W-
未試過P.E.堂跑九分鐘可以跑到咁-__- 跑左兩個圈已經喘氣...
跟住就開始冇體力冇精神，開始HEA跑，實際圈數不詳XD.
同埋我發現呢如果本身個人唔舒服既話做運動會出特別多汗-V-
星期二ECON補完課諗住留係課室整埋份最有心思禮物啦，
點知比校工趕，明明我搵到老師負責佢都串串貢咁話要走@@
見到你咁臭串果刻真係火冒三丈，好唔忿氣咁樣頂撞番幾句-V-
結果就攞埋啲野去第二個班房繼續做`!! 真係你吹得我脹咩LOL
言歸正傳，份禮物係本偽ECON書:P 封面係我畫架，超似`!!
好啦跟住亦都可以當錢罌咁用，因為MRS.LAM有懲罰既習慣:P
中間既內頁就有我地既團體相同一個...唔完整同怪怪地既概念:O
話說果日離開學校不足十秒已經半身濕晒-__- 簡直係橫風橫雨。
星期四朝早接受獎項之後就要回復早會MC呢個身份啦haha.
唔知點解呢幾次MS.WONG都係分啲有關運動既獎比我XD.
JOJO表面上睇到我手震，但我心理上係唔算緊張架喇@@
真心覺得比先前兩次經驗好，冇食螺絲之餘仲有眼神交流添-V-
放學測完BIO就趕頭趕命咁樣去師生羽毛球賽喇，好期待:D
姐係時間問題-__- 我去到就係打得一場咁多-V- 完全冇癮+__+
最初去到運動場果陣時，吳SIR主動話同我猜幾球囉:$ 開心:)
我終於見到佢打波既英姿喇XD. MS.NGAN原來都好犀利.3.
呢啲野真係冇樣睇，最好笑就係佢贏波會YES咁樣架囉haha.
只可惜原本係對MR.HUNG夾校長呢對最佳組合既...-V-
點知校長隻腳傷左，變左係MR.HUNG夾MR.LOONG囉LOL
但出乎意料之外我地輸波.3. 或者係我地太耐冇夾過雙打喇@@
加上我既PARTNER個膝頭哥好似有啲唔舒服咁，難怪難怪:O
慶幸我地學生隊最終以總局數八比七勝出，記得上年贏得四場>_<
哇哈哈我地成班校隊加埋有份出賽既老師影左張超壯觀既合照囉`!!
講到拍檔呢樣野，雖然我今年學界夾HENRY打-V-
但係呢場師生賽我決定搵番盧諾晞呢位大我一年既師兄:P
當然同佢既默契會好啲，同埋有時佢彌補到我既過錯:$
但最重要既係因為呢次或者係佢考公開試前同我夾既最後一場:)
我真係好想好想把握呢次機會，無論係咪最後一場都好，
都可以同佢產生超大既化學作用，盡力將自己既技術發揮出黎。
宜家佢專注讀書，已經好少黎練波，莫講過同佢切磋啦@@
記得自己升中二果個暑假開始，就跟隨住呢班校隊練波啦-V-
果陣時我仲係個人生路不熟既新仔，但盧諾晞就話要同我猜波...
自從果此之後好多時練雙打都會拍住上，當然唔少得單挑:$
無論同佢比拼定係合作都一樣咁爽，好享受同佢打波既每場比賽:)
同佢夾過兩年學界比賽、三年既師生羽毛球比賽，有輸亦有贏:D
贏既固然開心，一齊分享喜悅；輸則會失望，但仍需要吸取經驗:)
記得中三果年夾盧諾晞打學界既時候我地兩個其實進步左好多，
果陣時無論係走位、補位、速度、反應全部都提升左好多囉@@
就連鄺永延同吳卓文都讚過我地屈機haha...或者只係講笑啦.3.
我既拍檔，多謝你呢兩年係打羽毛球呢條路上陪伴我成長...
多謝你容忍我係比賽中既失誤，甚至會奮不顧身幫我補救...
多謝你留低咁多段美好而珍貴既回憶比我，約定遲啲再一決高下`!!
|
