lonely左兩日終於都有d野做la，不過都唔駛一次過黎咁多ga~

一早就去左幫家姐買劉家昌演唱會d飛，因為通完頂，所以7點半就出左門口，8點就去到，10先開始賣，10點半唔夠就賣晒 ，所以我係買唔到既 ，企左兩個幾鐘真係超累.......... (仲要係手腳都累，因為我對手都打左兩個幾鐘機...... )

之後呢個活動既時間都係兩個幾鐘，今次係射波，10點半就到左青海，一路都係練射波，一路都係得我一個人，開始左5分鐘左右我隻手就已經超累，因為打機同射波基本上都係用同一組肌肉...... 12點半左右stephen黎左，因為要等埋桃桃就打多左半個鐘，再去利寶行左半個鐘左右，stephen換左隻"太鼓"，桃桃就黎到la，跟住去左"著名"既大利茶餐廳食野la。

食食下我同桃桃分別接左個電話，佢果個係人地叫佢去見工，做助護wo，如果真係請左佢，都唔知佢頂唔頂得順日日對住d病菌，一間三日唔埋兩日就話病就唔係幾好la...... 我個電話就係laulau打黎，話佢岩岩走左堂，桃桃又話要買衫見工，所以我就叫埋laulau過黎幫下眼la，等埋laulau我地就上番市中心上面買衫la。

好耐都冇試過陪女仔買衫，更加從來未試過係市中心行咁耐，印象中都好似係兩個幾鐘，最後買左一條裙同一對鞋，再送埋桃桃番屋企，就完成左我地今日既任務la，之後就各自歸家la。同laulau行番去果陣經過個球場，佢話想射波，最後攪到個波超多沙(泥!?)，攪到我番到屋企第一時間就要抹波，順手抹埋對鞋。之後沖完涼就裝左隻墨香黎玩(其實呢個先係stephen今日出黎既目的︰被隻game我)玩左3,4個鐘，算係咁la，畫面唔係特別靚，系統唔係特別好，操作唔係特別易上手，故事亦唔係特別好，又唔係特別順wo，總括黎講，就係冇咩特別囉，一隻正常既online mmorpg(發現左樣野，以後唔好再講"rpg game"呢樣野la，其實rpg就已經係role play game咁解，唔好再game la)，不過你話佢有咩唔好呢，我又講唔出wo，都可以用黎消磨下時間既，你地有人想玩就問stephen同et借碟la。

題外話，係laulau果邊番黎果陣見到york yu，佢話去唔知邊個阿sir屋企wo，不過佢第一句就問我地係唔係打碟賽，我唯有話我地5場輸晒la...... 仲話我地而家目標係嬴一場......傾左幾分鐘就行左la，其實我地係隔住條馬路講頭先果d野，好難先講到兩句，不過好得意~~