其實原本我啲眼皮已經好DUP，隻眼已經澀到癲架喇，

但因為捱過左三點半呢段時間就開始冇咩感覺喇XOX

為既就係要盡快起好後日DEADLINE既匯流稿:O

或者你會問我點解拖到咁遲先至做-__- 唉其實都幾無奈。

原本定好主題，連訪問題目都寫好，顧問老師話要改ORZ.

咁加上又要等埋APPLE同SINDY雙雙係香港先訪問到！

結果今日六點幾訪問到十點先至完LOL 簡直係挑戰極限，

點都好啦幾個鐘既訪問過程氣氛輕鬆，聽佢地講趣事不錯:D

坦白講我真係好佩服APPLE係咁既情況仲可以堅持落去，

比著我磨沙爬到損晒，過河可能被沖走冇問，真係唔玩好過:$

不過就咁聽SINDY講係肯亞既酒店式加自助餐待遇，

同埋每日都可以睇住啲野生動物大遷徙又真係幾好玩咁既^0^

我自己果部分寫左三個幾鐘終於完成，FIONA你要加油:P

岩岩果兩日同姑媽佢地去左佛山既三山溫泉度假酒店XD.

天氣唔係幾穩定，亦都試過游游下水落大雨添囉LOL

最深刻就係搭旅遊巴，左邊窗係藍天白雲，右邊係厚灰雲。

達美既美食之旅其實都幾有口碑，食物質素唔會差得去邊！

好啦-__- 每餐除左大大碟既餸之外，我都幾期待盤西瓜:P

至於個導遊芬芬，聲線雄壯，樣貌嬌肖，把口好犀利^0^

講野好抵死，成日都搞到全車發笑，好少兩天團咁好氣氛:)

我其實幾鍾意行大陸既大型超市，真係大到會迷路囉-3-

同埋啲大樹菠蘿同埋酸奶好味:) 呢度真係唔夠時間行T^T

仲有個九江雙蒸博物館，啲展覽幾有心機，但人樣好恐怖，

我始終覺得果啲假既人像夜晚係會識得活動，好恐怖！！

原來酒都唔係咁好飲，定我唔識飲呢，硬係好似怪怪咁>_<

雖然度數唔高既梅酒最後都係甜，但入口果啖苦澀到呢:S

至於間溫泉酒店不愧為五星，房間洗手間都異常寬敞B-)

房門側邊果部針孔攝錄機往往係我地整古做怪既最好玩物:$

正題`!! 有七十幾個池，有個係綠色既茶池，浸完香噴噴:D

按摩池當然唔少得，我仲試左魚療比魚咬死皮，痕到怪叫:O

但慢慢開始習慣晒>< 果晚仲玩左個人造浪添啊，好爽:D

不過我始終覺得個浪既衝擊力大番啲啲就會更加好>___<

浸溫泉其實幾舒服，心平氣和咁坐係池入面閉目養神，

間唔中就有職員遞果汁或者凍水架喇@@ 享受一流嘿嘿-V-

第二朝有個所謂水運會，用手划橡皮艇真係會手軟架:O

不過個泳池好少人，又清又係標準五十米:D 所以好自在:)

我仲係個嬉水池玩左陣，媽咪捕捉到我比筒大水倒頭淋:P

旅行社仲搞左啲噱頭野將好多隻膠鴨仔放落池比我地影相:)

哇呵！夏天真係最適合玩水架喇:D 涼浸浸真係好舒服架.3.

其實呢啲大陸短線團都唔錯，完完全全係去度假囉XD.

唔洗趕景點之餘又可以享用酒店既設施，仲有好野食haha.

不過始終都係要返香港面對現實架喇，幾時有得再去玩LOL

4B套微電影《未命名》雖然劇本定好稿，但檔期好難就-__-

拜託快快趣趣拍晒去，咁就可以開始做後期剪片特技同音效:D

好啦聽朝其實六點幾要起身，因為約左成班COM踩單車架，

差唔多五點訓，訓個幾鐘，仲唔係「早睡早起」啊hahaha.