希望能夠用三言兩語將重點講出黎啦haha.

雖然聽日係傳統既盂蘭節，但PG個會都要開架喇:O

因為真係唔想將所有野拖到開學先至CHUR住做。

九月中既GATHERING同CAMP都需要時間傾:$

唔知點解每次同佢地開會前夕就會好興奮同好期待@@

唔只係可以見證住成個PROGRAMME有進展而開心，

同時每次BREAK既時候都會有數之不盡既話題-V-

喲呵點樣都好，希望聽日歷時幾個鐘既會議順順利利:)

我有時真係唔太鍾意自己崇尚完美主義到呢個地步-__-

有時候對每件事太執著，太有條理都未必係件好事黎，

其實唔只同自己合作既人辛苦，我自己都會做到好頹。

無論係黎緊中一迎新日、PREFECT新學年果套短劇，

自己班果套微電影，每樣野都力盡完美，不容有失咁。

就算我未必係負責人，只要啲有關東西經我手之後:O

硬係會SPOT到一大堆有待商討既問題出黎LOL

跟住可能就會沒頭沒腦，好順手咁改左部分內容XOX

結果出到黎個製成品可能變左係我自己原創咁樣-__-

有時候啲劇情唔MAKE SENSE...銜接位古古怪怪咁，

又或者邊啲遊戲太悶蛋，需要改善，永遠都只係識批評。

我唔想將條「標準線」定到咁高，全世界都跟住我步履，

同一時間我又討厭見到經我手既野係咁求其，咁HEA:O

我就係唔抵得自己明明見到，但又愛理莫理，得過且過。

究竟幾時先會學識「本守本份，唔踩過界，學會放手」？

拜託，麻煩搵啲方法抑制下呢個老毛病啦，嗚嗚T^T

聽朝補Y.Y.LAM之前又要游水喇，增高計劃嘛嘿嘿:$

題外話仲要開會練琴做功課溫書，天啊每日都好忙！

所以更加要養精蓄銳，訓教去喇，各位晚安嚕>__<