白宮XX, 白宮XX, 以<<白宮>>為題材真係數都數唔清~
其實我本身唔係好鐘意睇呢D政治動作片~
因為通常一開頭梗係講左成埋D咩咩議會人員，咩政策。
對於我呢D政治低B既人黎講, 真係唔明, 唔知, 同唔會記得佢UP 乜~
不過呢, 我男人又鐘意睇呢D片, 所以, 唯有奉陪到底啦~
導演 : 羅倫艾默烈治
演員 : 卓靈泰坦、占美霍士、瑪姬基倫荷
片長 : 132 分鐘
故事以白宫為背景, 又是個D誤打誤撞下, 以一人救全世界既古老橋段~
前段亦都無可避免地要交代好多野, 好多人等住出場。
不過呢，其實縮短少少會好似D, 因為睇左成十幾分鐘都未有POINT同未入戲肉
真係有D悶~
不過中段開始講男主角同個囡入左白宮面試開始~
成套戲就好似進入直路~
爆破，駁火，追逐, 鬥智等場面亦陸續出場~
故事不斷提出反戰, 和平。
男主角為總督包紮時講到佢個女3歲時佢加入軍隊去打依拉克, 打完後返黎, 個女大哂, 所有野都唔同哂~
而發動整個攻擊行動的保安主任亦是因為兒子在出征中死亡而要報仇，因而搞出呢個大龍鳯。
所以戰爭不但令戰敗國有好多傷亡，就算如美國咁，亦影響到好多家庭。
但反戰之餘，戲中亦不忘顯示一下美國貴為大阿哥的實力。只要一聲令下，全世界便會毁於一旦。
所以美國口口聲聲要維持世界和平, 但如果你唔聽話, 就要小心D啦~
故此邊個做領導人亦是好重要的一環，戲中的總統下落不明，由副總統繼位，副總統意外身亡，由議員繼位，可惜一個比一個狠。
副總統只係要求攻入白宫，但議員就直頭向白宮開火。
而執行命令的飛機師看到小女孩揮旗，亦不忍而違背命令。可見中國人講既人心背向。殘酷不仁，終會被推番~
本黎都好怕睇呢D政治片
不過估唔到呢套片都好多搞笑位，由JAMIE FOXX 扮演的黑人總統，唯肖唯妙，生鬼有趣，令到成套戲都好好睇~
除左開場有少少悶外，成場戲都算緊張刺激。劇情方便其實比較薄弱。
不過當中的笑位都唔少，救左成套戲。
動作場面算係中規中舉。唔算特別有驚喜。都係典型美式槍戰, 拎住隻槍係咁射個隻~
戲中出動多部戰機同重型武器，對於熱愛軍火人仕 可以很中口胃。
(不過, 我當然唔識啦~HAHA)
上網搵資料時無意中發現原來 <<白宮末日>>有張咁FRESH 既POSTER,
真係估佢唔到~HAHA
|
