鉑金接觸頭，成個頭都無乜接駁位，好易清潔, 又唔會藏垢。
每次我都無特別去洗，用完用紙抺幾抺就搞掂。

而且鉑金頭好涼浸浸, 我估就係佢講既霜效啦, 係熱辣辣的夏天用,真係特別正~


 而且個頭係側面既尖頭設計，對於按鼻翼呢D隱蔽位就最FIT
 機背有條金屬條，唔好以為係裝飾黎呀
 因為部機係微電流的原理, 所以用要手接住金屬條部機先會著，
 一鬆手, 部機就會自動停，唔會怕浪費電力~ 

當然，部機是有開關位, 就係係底啦~ 
只要按一下就有盏藍燈著，即係導出功能~利用離子導出技術,  深層清潔毛孔
按多一下，有盏紅燈著左, 就係導入功能~利用微震同微電流按摩增強細胞活，令護膚品的精華更快咁注入皮膚底層。
簡單方便~
最啱我呢D怕煩既人，因為就算你俾十樣功能我, 我都可能只會用番個一兩樣~HAHA


導出功能方便，首先要將潔面液塗係面部，然後啟動離子導出功能, 將導頭平貼係需要清潔既部位五分鐘，五分鐘後部機會自動熄

個人建議要用GEL 狀既洗面, 因為泡泡狀會好快流哂或干哂~, 所以要干面時搽上潔面GEL 再導出
因為係一個個部份咁導出，所以搽GEL 都只係局部咁搽就可以
第一次唔記得慣左手勢, 搽哂成塊面既GEL, 點知按完一邊面, 另一邊既GEL 已經干哂~@@

雖然機仔細細，不過佢既震動功能好勁。好有效咁導出污垢。連續用左幾日, 明顯見到皮膚白左滑左~


導入方面, 將精華液塗於面部，然後啟動導入模式。
再跟住以下的手勢黎按, 就可以令到護膚品精華有效咁滲入肌膚。
感覺保濕效果好左，而且毛孔都收細左~