我諗呢篇將會係呢個暑假最後一次咁夜打QOOZA:P

同樣今日都係自然醒，但點幾先起身真係有啲罪惡感，

唯有把握僅餘既時間繼續練琴抄功課啦，好晒時間！

我仲發左個夢，當中係成班去北京識既朋友黎架LOL

但唔知點解住果個地方特別大，行行下我竟然迷路:O

跟住搵左好耐先至返到酒店，成個畫面異常清晰囉...

同埋當中有個地方已經唔係第一次出現係夢境到-___-

其實真係好騎呢，有冇人可以解釋下點解會咁樣XD.

終於可以坐定定睇衝上雲霄-V- 雖然劇情都係咁上下，

但係每對情侶都好SWEET，比人個感覺真係好舒服！

特別係SAM同HOLIDAY@@ 吳鎮宇傻得黎好自然:P

仲有啲配樂真係好配合個氣氛*V* 天啊我LOOP緊:$

今日既心情終於開始回復正常，真係要多謝尋晚啲雷，

果個幾鐘真係好似開記招咁樣，啲閃光燈都未停過*O*

跟住有段時間仲要不停劈雷，似乎亦都震醒左我@@

當然唔少得尋晚咁岩TIMING咁傾左成個鐘啦XD.

諗番S.1 ORIENTATION DAY已經係一個星期前既事...

果朝被安排同VANESSA係門口做接待既工作啦XD.

其實自從擔任PG以黎都做過唔少工作，所以好易處理。

雖然呢日都落住微雨，但無阻我地臉上果個燦爛既笑容:)

向所有家長同學生遞上遮袋、精神奕奕咁講句早晨、慢行，

有時仲調黎調去，禮堂同詢問處兩邊走，指示嘉賓XD.

正如吳SIR都講番好有去到大型連鎖百貨公司果個感覺:D

接待工作絕對唔可以輕視，來賓首個印象就操控我地手上:)

當然我地既任務就係希望佢地都可以開開心心咁行入校園，

即使係簡簡單單一個微笑作回應，我都已經心滿意足架喇！

題外話呢個VANESSA同樣幾好相處，好TALKATIVE:P

難得呢日係同一個崗位工作，都要把握時間有個基本認識^0^

之後係禮堂睇住大家係台上上演左場GOOD SHOW:D

的確發揮得淋漓盡致，大家都冇因為怯場而SPOIL左，

果啲唔記得熄咪，聽到係後台傻笑既事件就當係笑點啦:P

我相信大家同我見到啲同學咁投入，笑到咁癲已經好開心:)

其實我好鍾意套劇，因為無時無刻都會帶比觀眾好多歡樂，

可惜我中一果時豬流感，咩迎新日既活動都冇得參與:S

但返到屋企剪接番呢日既錄像，重新細味都會心微笑^0^

更加估唔到係我同CHUNGKAPUI會同班中四熟左-V-

唔敢講熟好多，但至少係彼此身上感受到果種家庭感覺。

希望由八月廿四日開始，大家既友誼可以逐漸變得深厚!!!

最後仲捉埋MS.IP幫手揸機，同我地成班人影左幾張相:$

佢仲帶頭話咩我請食飯LOL果刻我就真係...笑出黎:O

有人問過我點解最後冇跟佢地食野...當然唔係驚找數-V-

套DRAMA完左之後，佢地去課室到同學長玩遊戲:D

至於我同CKP就唔洗再帶遊戲，反而係觀察每班情況。

其實觀察者呢個角色並唔容易做，睇晒課室每個角落，

將啲值得一讚同埋需要改善既地方統統寫係份PLAN到:)

始終都係旁觀者清，有時組員可能帶帶下遊戲都投入埋:S

呢日真真正正覺得自己個地位真係晉升左唔少haha.

多謝MS.LEUNG放心交比我地幫手睇住唔好出錯-V-

最後EVALUATION都係由我地兩個HOST埋:O

初初都怕會唔知點樣回應學長呢日遇到既問題既，

但呢日再次示範左熟能生巧既道理，多嘗試自然就識:)

整體黎講接待同HALL PROGRAMME都好順利，

至於班活動其實普遍每班氣氛都好好，同學都投入既，

咁當然會有瑕疵，而PLAN GAME有漏洞係正常！

但正如劉姑娘所講只要個玩完遊戲達到佢個目的，

就算帶緊果陣有啲細節位做得冇咁完美都冇咩問題:)

的而且確，有時著重過程比著重結果更加有意思^O^

有樣野想講既就係有班會用故事串連成日既活動啦，

跟住又會係秩序未如理想既時候做啲動作引番專注，

其實呢啲都係啲可取既方法黎，學以致用真係太好:D

同樣有班帶個遊戲太複雜，講解仲長過玩既時間-V-

好啦其實諗番轉頭都覺得果日批評人好似串左少少...

ANYWAY~~THAT'S MY STYLE haha. 藉口-W-

最後!! 有樣野值得自豪既就係我記得晒大家既名喇:P

呢啲時候唔可以打得太快...會嘈...搞到一篇需時好耐-V-

但終於都打完喇嘿嘿:$ 各位晚安喇，聽日要溫書:D