好攰啊今日!

尋晚訓到三點幾, 突然被嘈醒, 原來哥返屋企但係開唔到門, 兩個家姐好像償試咗好耐,

但係唔知點解鎖死咗, 好像有嘢塞死咗, 開極都開唔到, 我亦加入行列, 出盡九牛二虎之力

亦亳無作用, 仲搞到成身汗!

我地最終出埋工具~鏍絲批 打算撬開把鎖? 點知, 原來都幾難,

又驚整壞個鎖, 試仲好耐, 好慘! 最後仲驚動阿媽出手, 我地成幫女人簡直就係粉紅救兵咁款,

哈哈...真搞笑, 好忙! 而我阿哥? 我相信他係門外已經攰到訓o係度咁濟! (鬼叫你咁夜返咩 ~)

不過二家姐話算好彩, 如果聽日先發現, 大家返工一定遲大到!

我地七手八腳忙咗一大輪，又撬又揑, 突然間阿媽揑開咗? 大家都都好suprise ! 問點開嘅 ? 阿媽都

唔知, 好彩! 個鎖仲未壤, save 番幾百蚊! 我地好似打勝仗, 但阿哥就泄晒氣咁!

終於有覺好訓啦, 點知我地嘈得濟, 嘈醒bb 雀, 它又叫了 ! 又要喂食啦! 哈哈... 家姐, 快d 去喂啦,

你個bb叫你啦 ! 你仲要隔四個鐘頭喂一次tim ! 哈哈哈....

今日家姐返工後就由我充當湊仔婆啦 ! bb 啊, 乖啦, 唔好成日叫啦, 喂你食啦, 你又剩係食兩啖

就哈食, 跟住隔唔到五分鐘又叫過 !! 原來雀仔bb真係好像真嘅bb, 盡係識食同訓o架 o乍 !

食咗咁多, 終於有d嘢睇啦!

今晚，它突然之間係個籠入面係咁跳, 仲"琴" 住雀籠, 嘩! 我地即刻幫它加番d 支架上去, 它好快

又跳上去, 仲企係最高tim ! 好叻仔? 女? 呀 !!

企係高處唔使成日踩自己嘅 "屎屎 ", 仲有高瞻遠望, 威風??  嘅氣勢tim ! 叻叻叻! 俾十個叻你啊 !

bb, 你要快高長大呀 !

翠翠, 斌仔, 唔好呷醋啊, 我地都好惜他你架! (它地有得食就唔理o架啦 !~ )   

今日我體會到媽媽嘅偉大! 係雀仔媽媽!

一隻bb雀已經咁難喂, 食極都未夠, 仲要喂成"dao" 雀雀, 它地剩係識得"抺"大口等嘢食, 而雀絲媽就要出去

頻頻朴朴揾食物, 一日都唔知要來回幾次! 耍養大幾隻雀bb,真係含辛茹苦!  母愛真偉大!!