有時我都唔識分唔清周末呢啲時候應該做咩好@@

就算尋日朝早同媽咪爸爸係中環閒逛左半日都怪怪咁，

硬係覺得好似好多野未做，跟住又唔多盡興冇咩心情。

點解呢啲時候我竟然唔識得放低SCHOOL WORK-__-

今日晏咒補晒習之後同JOJO`HENRY`CKP`TRACY`

CHANKWUNTAT同WINGCHI去左練跑，定係行山:O

由環翠開始繞過歌連臣角，終於去到藍灣半島果邊喇>_<

但坦白講跑斜路對我幫助不大，跑段路就停低喘晒氣-__-

或者練到少少氣，始終運動場適合練爆炸力同速度多啲:$

跟住同佢地成班傾左陣計，再同JOJO行左入杏花村@@

傾計、食咖哩豬扒飯、嘻嘻哈哈咁，好輕鬆既一個晚上:D

話說尋日朝早睇左套《逆轉賭王》，真係純粹為睇而睇:O

但個結果都唔錯丫，至少唔會話係套爛片要喝倒采XD.

其實成套戲都幾緊湊，冇咩冷場，但比個戲名FAKE左...

我最初仲以為係個男主角發明左個咩賭博網站賺大錢咁-V-

點知個劇情同想像既都有好大差異，不過整體都可以既@@

之後我地三個仲係八號碼頭個海事博物館逗番左幾長時間，

比以前赤柱個分館大好多:P 展品既種類當然多左好多^0^

仲有個HALL比我用摩斯密碼溝通，INTRIGUING:$

呢個地方真係可以比你消磨半日，由古代講到現代港口:P

星期五放學之後我地拉大隊去左愛秩序灣果度練排球XD.

我地仲特登事先買左個排球，咁以後練習就好方便啦:P

果兩個半鐘都好認真架，透過兩隊既較量練默契同傳球@@

呢日鐫爺仲現場指導我地排位同埋開波等等既技巧hehe.

我發現自己真係愛上左排球呢項運動:) 好講團隊合作囉:$

唔容許你眼望我眼睇住個波落地，所以接既要嗌「有」...

對方就要自然行開等人放心打，互相鼓勵、互相包容^0^

KIT`SUNNY`ZENKI`大力`鐫爺同RICKY組成雜牌軍，

同我地B班九位輪流上場既鬥士打比賽，你死我活咁:D

最好笑就係有次KENNY開波，轟左落RAYMOND個頭，

我淨係聽到「啪」一聲跟住成個波彈到好鬼遠，笑死我，

佢話個波餅唔算重擊，但感覺好似觸電見到自己排骨XD.

七點鐘我地九個普遍發到有質素既球，仲可以SET波添:$

期待黎緊星期三可以發揮水準，最好當然可以擊敗對手-V-

但始終敵方係6C，一隊公認既種籽隊伍，勝仗並非易事...

不過正如RAYMOND所講我地志在參與，問心無愧就得:)

不忘呼籲各位，得閒既記住黎打打氣啦:P 5B要奸巴爹`!!