今日未到七點就被人叫起身,好眼訓......刷牙洗面..仲洗左個頭..食完飯都差唔多八點出門口.搭地鐵到九龍塘剛好九點．．

入左去.阿sir派左筆記,一睇.差d當場暈左,..成份都英文.點睇啊...

望望隔離..佢地都識睇.得我唔識..呢次真係大獲...好睬,阿sir講解個陣時有講中..我即時抄低..如果唔係都唔知點算..返去仲好家課...(呢d野攞返去問江sir)佢實識睇ge啦....我依家先明.唔識英文係几咁慘...上次都係啦..去個奧林匹克,成份卷都係英文,,睇都睇唔明..點計啊....累我係度坐左3個鐘都唔知做咩好..

時間係咁流過,,,返到屋企即開電腦.(阿爸阿媽出哂去做野)開左魔兽..入唔到kyo,,頂...無得玩....心灰意泠.=.=#..係度睇電視劇睇左成個下午...對眼好難受.個頭都痛埋...原來對住部電腦可以咁唔舒服....

差唔多到左5:00...係電腦前訓覺左,,,一邊听歌一邊訓...補返睡眠....咁又訓左一個鐘....起身之後精神哂...又入到kyo,,咁就繼續打机....打到9:00佢地返黎..即刻關左個game係度听歌...扮作咩事都無...

一日都無掟過功課..听日要做啦...好似都几多下....偶爾都要做下乖仔.

哦..又夠鐘訓覺....再唔訓...話唔定几時部電腦又鎖左..,,唉...

人生就係咁無奈...