今日朝早一起身就番左去拉把度scan果份WIE Application form比長實嘅人

點知搞左一大輪原來都係要我自己填番，仲差d搞到我番工填到，燥燥地

不過見呢份工好似幾好咁就唔嬲啦

之後搞到聽日又要再去scan多次send比CBS Department果度，點解做intern係咁煩

今日CS係去西翼果邊，勁開心有櫈坐，如果唔係連企兩日我真係會腳都跛

跟著今日鄭容和演唱會同琴日One Direction唔同嘅係多左好多好多好多香港人

全日基本上冇乜點做過野hea下hea下就過左

啊，有件開心事就係去機場食lunch，大家樂嘅姐姐竟然比左員工價我，真係好開心，平左十幾蚊，明明我都唔係機場員工，又慳番一筆yeah!!!!!

如冇意外今日應該係最後一日番AWE，自我發現原來除番開係得四十幾蚊一個鐘之後，我就唔想再番呢度了，除非第日我真係好等工番啦，不過到時嘅野到時再算啦。

今日同你講食燒肉放題你即刻答我okay果陣其實我真係好開心難得你咁順歎

點知原來你誤會左係我請你去

之後解釋番之後你話如果你答唔去我又會發癲，其實你咁樣答我嘅話比著如果係前排嘅我見到呢句可能會即刻好燥好嬲，覺得你唔應該咁諗我

但諗深一層你之所以有呢個預感係因為我之前做過嘅野先搞成咁，所以我都唔可以講d咩

不過你最後都肯四月去食其實好開心，因為我真係好想試lol

之後你話咩唔好扮了解你，其實呢句真心好hurt，我真係冇扮過了解你純粹係問下，但唔明點解你可以講得出呢句說話然後又覺得咁樣講野係冇所謂

可能你真係唔知你呢句說話會比人一種侮辱嘅感覺，好似係度講緊「你唔好扮哂同我熟其實我同你唔係好熟」咁嘅感覺，其實呢d說話真係會傷害到人，不過我諗你都係唔會知

之後你一如以往咁剩係打emoji黎覆我，唉，我唔想習慣左同你係咁樣溝通，好似單方面煩緊你咁，跟著又唔知應該點樣同你講野先好

Anyway我覺得慢慢慢慢就會變好，希望係咁

不過真係覺得自己愈黎愈似outsider，每當你話咩唔想同我講莊嘅野又或者係未firm實咩人都唔會講嘅時候，果一刻我只係覺得自己係一個外人，一個乜都幫唔到手連最基本聽你訴苦聽你分享都做唔到嘅人

果真我上莊嘅時候確實好唔鍾意同莊圈子以外嘅人講莊嘅野，不過對著好close嘅fd我都會盡可能講比佢地聽，想比佢地知，想佢地可以聽下我講，等我可以唔洗屈住屈住咁辛苦。

不過人人做法唔同，可能你對於莊圈子嘅外人，所有人，連埋我，都會咁做啦。而我亦唔可以令你轄免我係一個例外，係我未做得夠好嘅咁。

可能慢慢慢慢，我就會變成一個真真正正嘅outsider，到時可能連共同話題都會冇埋，完。