尋日返工嘅感覺就好似冇停手咁，一路都Keep 住有嘢做，充實，但係返六點再加埋要OT 真係好攰！因為睇票快嘅同事好似阿琳、問米婆同0615 都放Sat，而坑渠佬又要替0615 拍sig ver，所以朝早睇IR 睇得好慢，真係有一種想死嘅感覺，睇極都仲未睇完，而0081 仲要揀晒啲AIA 拍，搞錯呀！！！諗住拍AIA 時抖吓都唔得！0199 話唔可以揀嘢拍架，又冇人話佢！恃老賣老！OT 做RR 同key amount 時0081 又唔做喎，掛住喺度淋佢啲花草樹木，跟住Katherine 又叫我去幫阿魂搵票，因為上次抽匯豐恒生渣打同中銀啲票時，抽漏咗九張中銀票，個個都要搵，就係個0081 唔使幫手搵，好似Katherine 特別照顧佢架喎！同埋又唔做RR 同埋key amount，最離譜係最後入晒退票file 時先知唔記得喺啲High Value 票度抽番啲Low Value 票出嚟，跟住個個都幫手搵，點知個0081 已經趁冇人留意時走咗，搞錯呀，Cheap 中之霸呀！
尋日夜晚同湯米去咗新寧餐廳食飯，提早慶祝一齊第十個月，間餐廳係我睇飲食男女知道嘅，都幾好食吖，但係環境好似舊咗啲，湯米送咗個耳筒同件衫俾我，多謝湯米！
今日繼續陪湯米去買母親節禮物，最後湯米買咗兩部電話，一部俾佢老豆，一部俾佢媽咪，之後湯米要同佢屋企一齊去慶祝母親節，咁我就買嘢返屋企食喇！今日喺CD 鋪度竟然俾我搵到Ciara 隻見本盤Album，有我好鐘意嘅Hotline，好好聽架！我即刻就買咗喇！
尋日喺公司俾嘢咬咗幾粒嘢，好痕呀，慘慘慘！
|
