今日唔駛返學
個人果然係輕鬆晒
成日都係度BILIBALA
好嘈!

返工唔算好忙
因為手頭上既工作終於都清晒
仲有時間幫其他同事
幾叻!

又有家長o係度發難
唉...
做乜喎
學校既政策唔係我定架!
你發我爛渣都冇用架
上次o個個又係咁
今次呢個又係咁
係咪我個樣好蝦d?
個個都發我爛渣...
我真係覺得好委屈呀!!
唔得!
我個樣要惡d先得
惡d惡d惡d

今晚有人打黎做問卷調查
調查聽電台既習慣喎
我見有時間
所以就睬下佢
問左好多條
其中一條佢問我最近一次聽收音機係o係邊?
我答佢o係小巴
(因為朝早返工搭小巴, 司機會聽收音機)
佢問左一個好奇怪既問題...
佢:咁你當時係咪搭緊車?
我就真係即刻O咀囉
我:我係搭緊車, 所以o係小巴囉
佢係都要語出驚人誓不休
佢:咁當時你係聽到車箱內既收音機定車外?
救命!!
我:司機播既係咪車箱內?
佢:係...
我:咁車箱內囉
點解咁佢都問得出
我搭緊小巴
我o係車箱內
咁聽到既收音機都係車箱內架啦
車箱外既收音機我點會聽到十分鐘咁耐呀?
d問題邊個設計架?
真係古怪!

好動既你都唔錯!