成 日聽話今時今日應該男女平等，不過男主外女主內呢個觀念究竟有無變過？根據基層婦女聯會最新調查，發覺香港人仍然未可以接受男人做全職「煮夫」，而只靠女 人外出工作。但另一方面，支持女性結婚後仍要外出工作的男士，多達92.6%。不過女性雖然要出外工作，但講到家務，竟然有4分1受訪男性不願意分擔家 務，因為覺得做家務係「怕老婆」、「女人型」�H表現喎！咁都得，即係工就大家都要返，但老婆就要返屋企後做埋家務？根據美國密芝根大學研究，已婚女性比單 身時每周要多做7個鐘家務！如果你發現老公都係唔肯做，不妨試下以下方法：
用Checklist
每星期都分配一個Checklist，上面清清楚楚咁寫晒要求老公做�H家務，要簡單直接，例如「洗衫連晾衫」、「繳付電費」等，可以令老公無得走數之餘，對佢嚟講有張List感覺上會有終點，心理上都積極啲。
不時讚揚
千祈咪令自己變成喝令老公做家務嗰一種黃面婆，應該要正面，每次老公做完一樣家務，哪怕只係簡單如洗咗一次碗，都要讚揚佢，要令佢感覺到自己為咗頭家付出過，千萬咪以惡言相迫，唔會有好結果。
公平分配
最佳做法係畀佢睇下你�HList，唔係話要斤斤計較，不過要畀老公知你都其實都暗暗地做咗好多家務。咁做第一令佢心安理得，第二萬一佢希望同你交換某啲家務都可以同你講，各展所長，話唔定佢好鍾意換床單呢！
一齊做
盡量每星期都要搵啲一齊做�H家務，例如搵一晚兩個人一齊煮飯，搵個下午一齊執屋，除咗係兩個人相處機會之外，同時可以畀老公感覺到做家務之中�H情趣，尤其當兩個人一齊完成一件家務時，會更加有滿足感。
獎勵制度
可以嘗試下玩獎償制，例如「洗廁所獎」，邊個負責做邊個就可以得另一半�H按摩服務，或者可以要求對方陪自己睇一套戲、食一餐想食�H嘢。或者做滿幾多次就會得到對方�H禮物，有情趣之餘又真係有鼓勵效果。
|
