做左幾日用友就辭職，真係有D衰仔既。
感謝總監KEVIN 咁比心機去教我; JK 同 FLORA 既挽留。 番到黎見到有卡片盒個罪惡感仲大。
臨走前影番張相先啦。
做左一個星期發現份工真係唔適合我做，完全融入唔到戈種工作模式。
番到黎無野做坐係度等運到咁，而且其他sales 一直都同我講E+市道好難搵新客，講既情況同我出去搵過客既情況一樣。JK 仲落左Order 叫左我一個月內搵到客既LIST..
諗到呢度我已經呆左，我仲要做貴賓廳戈Part ，老實講澳門貴賓廳唔多，有既好多都已經係用緊系統，完全係大海撈針。或者係我無路數搵唔到客啦，所以我都係決定走路。
況且有其他公司睇中我，走啦... 再做落去都無意思。
中午請總監kevin 食左個午餐 ，當係報答番呢幾日教過既野啦。
HR 同 JR 竟然同意出番幾日糧比我，好顧主係澳門真係買少見少。用友都係一個有人情味既地方黎既。
走戈陣仲要落暴雨，我都唔知點走人，著住套西裝跑去買雨褸沖番屋企，真係極FAILED。
(等食飯之前未落暴雨，企係度睇教業D學生哥體育堂打波，諗番起以前SP打波都係咁熱血咁開心)
|
