今日番二中綵排，又係好煩囉d阿sir，執埋d冇人會睇到既野，不過都冇計la，人多自然多意見，廿個老師同我地咁多個隊長總會有d想法有出入，呢樣野無可避免。之後因為要做晒成個流程，所以要每隊都操一次，雖然我地6隊都操得唔係咁好，不過我果隊既表現就真係慘不忍睹，攪到我同海龍都發晒脾氣，我仲差d鬧到喊。唉，呢幾年每年都總有一兩次呢d情況，希望唔好再有。最後操到差唔多8點先走，都好耐未試過。

其實美楠全日都陪住我，之前就上左黎我度陪我番二中，番到二中佢就去左幫少領(少年領袖團)果邊，一路綵排佢都係則邊睇住，綵排完都係，所以佢完全見到我發脾氣果d野，佢都話未見過我發咁大脾氣。之後佢果邊散左，佢就坐左係度等我，印象中第一次感覺到被人等既感覺，原來都唔係幾好受，知道有人等你但係自己又擺唔低d野，係幾辛苦下，有時真係要易地而處先得。走之後佢話我知，佢莫名其妙咁應承左聽日幫少領出場比賽，阿sir借制服被佢，我都O晒嘴，不過都冇所謂la，我都係咁操。