1.玩米缸，將手插入米缸裡面既米裡面篤下篤下。
2.在百貨公司入面篤扶手電梯旁的吊牌。
3.地下有階磚時，特登隔一格一格黎行(不可踩界，要完全在格內)。
4.用錶面反射陽光，照黎照去。
5.跳樓梯(愈多級愈勁)。
6.行路上高起左地方(例如高起左既長條型石博，好似玩平衡木咁行法)。
7.鋪張紙在硬幣上面，然後用鉛筆係上面油，油返個形出黎。
8.食完瑞士糖之後，將糖紙包番個原本四四方方果個形出黎。
9.超級市場踩住架購物車黎行。
10.踩水”tum”，係好特登果隻。
11.吹口水波。
12.搣牆上的乳膠漆或牆紙。
13.係平滑既地面上面\”冼\”下”冼\”下咁行。
14.整濕ｄ紙巾，掟上學校廁所天花頂。
15.食完綠箭香口膠，一定摺返成張包裝紙，再放返入個大套入面。
16.響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，轉得怏個時飛出黎，睇下個粉刷中邊個。
17.放膠袋(當風爭甘放)。
18.去後梯執咸書睇，張睇完的咸書撕開飄落街。
19.貼張龜仔紙嚮同學背背脊果度。
20.踩人地個影。
21.狂踩人地對白飯魚，尤其是大肥仔果o的。
22.用幾條橡筋射同學。
23.掉人地門口的拖鞋落街。
24.”蚊”消防喉，射水落下面個球場，睇下射到幾遠。
25.擲水彈。
26.用氣鎗射街上的途人。
27.玩千揪，”fing”到咁上下就飛出去鬥遠。
28.落樓梯時坐係的扶手上面\”sir”落黎。
29.在自動梯行相反方向。
30.把”誤投信件”或沒有用的宣傳單張，胡亂放入其他的住宅信箱。
31.坐地鐵時，抓緊中間的扶手，地鐵一開動博命繞住轉(自轉)。
32.在月台上鬥快跑。
33.帶玩具返學。
34.用圖釘弄穿學校壁佈板。
35.亂按人家的門鐘，然後鬆人。
36.明知過了三歲，仍然不買票，”捐”地鐵的入/出閘機。
37.用改錯水(很舊的有一個掃那種)附送的天拿水，搽在手上。
38.在井字型公屋中間的大天井中放紙飛機，或者放紙青蜒，看看誰放的紙青蜒最慢由廿幾樓落到地面。
39.煲蠟。
40.把汽水罐靜雞雞放在校車的車輪下攝住，開車時把它壓扁。
41.用螢光筆油指甲。
42.向學校d木台上面畫公仔。
43.用電筒／雷射筆射落街或者照住d路人。
44.搣碎d紙巾，然後拋出窗。
45.巴士一開車，就同佢鬥快跑（最終當然唔夠快啦）。
46.落雨擔遮，懶係型咁轉把遮。
47.見倒d矮過自己既人行緊過黎，會好自然”gut”高d行。
48.將擦膠碎「初」成一粒黑色物體。
49.玩冒險樂園o的遊戲（例如籃球或保齡球），企o係最高或企o係跑道o既最尾玩。
50.地鐵出閘果時「捐」過閘口，拎走張地鐵飛當地圖。
51.屋企冇人果時，對住塊鏡學人跳舞／做戲／唱歌。
52. 同細路爭一d無聊野，例如「美少女戰士角色︰sailor moon係我既, 火野麗係你既」或「四大天王，黎明係我既，所以你唔准鍾意黎明，你鐘意郭富城啦」。
53.玩廁所水。
54.去到公園，係咁撕百千層d樹皮落黎。
55.慢慢行近麻雀到，企圖捉住佢地。
56.係街見到狗就扮貓叫，見到貓就扮狗吠。
57.趴o係地上扮死，想嚇阿媽阿爸。
58.畫花報紙或書上既畫，為人物加牛角或者胭脂等等。
59.拎d元寶當船放o係水上玩或者拋落街。
60.用條繩吊d野到落去住下面o個戶人既窗前，然後”fing”來”fing”去，引人注意。
61. 用鐵間尺幫擦膠切粒          62. 卒擦膠成長條狀              63. 幫擦膠用鉛芯筆打針，再拗斷(冇拗斷) 64. 用鉛芯筆幫自己打針
65. 顏碎粉筆扮白粉. 拎起任何有自己名或相o既証件扮："CID，咪郁!" 66. 用口o係手咬出一隻錶再用筆畫上時間 o係阿媽張床度跳彈床或打摔角     67.唔止,仲同阿妹拎包紙巾扮打排球    68. 將牆上剝落緊o既乳膠漆越摵越大      69. 超級市場踩住架購物車行                       70.玩鬥獸棋,波子棋....等等棋類         80.用鉛筆刨扮刨鉛筆,等部機合埋            81. 摺紙飛機,然後鬥邊個最遠                              82.同人拍卡(每人用一張卡,向住人拍,睇下邊個個張反轉)                                                                                                        83.扮老師      84.煮反仔        85.係屋企玩(僕哩哩)       86.係茶樓到,用D牙籤黎整星星     87.用像筋整星星,等等....          88.用手整影子         89.用間尺整靜電,吸頭髮/紙      90.同公仔講野               91.玩借位遊戲[扮食野,斷手指]      92.一個人對住牆壁黎打乒乓球        93.鬥噴水[口水]        94.用鉛子筆黎畫隻錶係手          95.係比蚊咬個度,打十字         之後個D就唔記得啦~~就係咁就聽到2點....THEN,就同佢傾多陣......3點就訓左LU!!!