頭先同hidy傾完icq‥

所以想打下日記‥又舒發下自己既感情‥

講起目標‥未來‥

同大家講‥我由細路仔開始‥就唔多用腦諗野‥小學d成績好係因為小學既知識跟本唔駛用腦去思考‥

只要死記就可以拎到高分‥我以前就係知道我考數學錯埋d好唔小心既野，英文唔記得點讀，點串‥點解就會比老豆打個半死‥

我老豆對我要求好高‥我知道我小學時候既我英文水平比起其他人高的‥我並不是吹水的唷‥

童年並無什麼特別印像‥我只記得小時由舅母帶大‥我好感激我舅母‥舅父‥表哥表姐‥佢地對我好好‥我好鐘意自己個性格‥

其實都係由細在舅母家養成的‥之後我媽遲左份工返黎帶返我‥因為開始要為升中‥我媽開始緊張了‥

媽比我既感覺‥就係望子成龍‥就係知道要我讀書成績好‥並無解釋比我知道‥讀書不是求分數‥是求知識‥

困住我在家‥唔比我落街玩‥將本小學書由頭背晒佢‥你就叻仔‥

爸比我既感覺係好傳統中國男人‥我媽話佢係鍚我既表現‥我都覺佢全心為我好的‥

但每次臨考試‥就會被打一身‥我老豆好醒目‥只會打d無人會睇到既地方‥到成績出黎‥返黎同我對巻時又會再打一身‥

我老豆有句金句‥"你唔打唔得醒‥"好記得呢句‥小時候用雞毛掃打‥每次打都叫我唔好喊‥老豆會講‥"未打你就喊"。

小學‥初中都飽受呢d野影響‥你問我，我就係記得呢d‥之後仲開始打巴掌‥好記得一次，好醜‥除左我條面褲‥衫‥得條底褲‥

仲醒左我一巴‥我就係知道佢隻介指打爆左我個唇‥d血係咁標出黎‥我媽已經好驚我老豆打我個頭‥驚打傻我‥成日o係度叫

"阿雄，唔好打個頭啦‥打佢屎忽啦‥"我知我媽好鍚我‥驚我老豆錯手打傻我‥想保護我‥每次我媽幫我求情‥我之後都慒到更大既創傷‥