好耐冇打日記，因為對住部腦就想打機，不過尋日係game入面發生左d野令我而家唔想打住......(9/6)

打番星期三d野，因為呢一日心情好差，因為見工唔成，係我覺得佢唔會請我，佢都冇講到明，不過我feel到......

我有太多失敗既地方，逐樣數........

1.我遲到，約11點in，我9點起身，10點出門口(去荃灣)，去到唔識路(因為係工業區，我未去過)，搵左好耐先搵到，攪到我遲左幾分鐘，雖然我之前(10:50)已經打左電話去話要遲小小，但係我始終都係遲到，in果陣佢仲要話我個post守時好重要，雖然佢話第一次唔識路唔怪我，不過一定扣左分.....

2.去到坐低填張form，全英文，我都唔識填晒，最後仲偷偷地拎埋部電話出黎查字典......第一次覺得我換得咁岩，雖然好多電話都有呢個功能......雖然佢唔知我查過字典，但係睇張form都應該feel到我d英文唔得......

3.之後佢叫我打份野被佢睇，係佢公司既背景同歷史，中英對照，雖然我冇睇住錶打，但係我覺得我打左半個鐘左右，果度只係4份3張a4紙咁上下......

4.之後就入房in，in我果個姓王，叫佢王小姐先la。佢應該都係讀過好多書果d黎ga la(廢話，唔係點in你ar!!)，其實成個過程佢講左大半，比例上應該係8:2，什至9:1.......佢講左好多呢個post要做既野，其實都係一個幾大既職位，因為成間公司，老細之下就係佢，佢之下有4個人，其中一個就係佢in緊既我......間公司既母公司係澳洲公司，而家開拓緊大陸市場，所以英文同普通話都要溝通到，而我就..............

5.都係語文能力問題，in既過程佢叫我用英文同普通話介紹自己，我自己都唔知自己講咩，好難相信佢會明......text我英文果陣仲叫我扮聽電話，話澳洲大老細打黎搵我個老細，不過老細去左公幹，叫我答佢，我第一句係話..........he is not in the company,pls......之後王小姐就stop左我，因為我講錯野，laulau你應該知我錯咩ga la，你講佢地知la，我唔想講d咁魚既野....

6.臨走佢問我，如果今次冇請到我，咁你仲會唔會對我地其他既post有興趣呢!?例如做boy果d...................................

7.in既過程中佢講左好多句"唔好意思，唔該晒你"，令我覺得有句潛台詞︰唔好意思，我地一早就唔應該叫你黎in，唔該晒你........

8.我咪話佢講左好多呢個post既野我知既，其實佢用左好多英文講，即係講講下中文插一兩個英文單字果d，我其實唔係好明，明左6成左右la，其他既靠推前文後理，所以都係死得.....

總結黎講，我應該唔會有機會，行出黎之後果段時間好有挫敗感，覺得自己真係好冇用，最後我行左成個鐘先行到番荃灣市中心，整左小小野，買左d野食先上車走，不過完本可以行一次做晒既野，我來回行左3次......最後買埋野上車食，諗住化悲憤為食量，點知我冇胃口，最後番到屋企好辛苦咁食埋，最後連lunch都冇食........(我話食果d係d唔飽既野)

不過而家諗通la，佢請唔請我其實都係好事，佢請我固然好，不過如果佢真係請左我既，我諗我實日日做到9點先有得走，唔係佢開我ot，係我可能會做唔晒d野，而佢又要求d職員每日都要清晒果日d野先被走，所以佢請左我都未必係好事..........(我唯有咁安慰自己，我唔係真係咁諗...........)