今日一早起左身....因為肥JO約左我去油ma地唱K......不過佢約我11點....但係我就差唔多11點先出門口....嘩哈哈.....但係點知我去到地鐵路....都係要等佢羅...開頭仲諗住今次多數都係我遲到家嗎...但係點知佢仲遲過我羅.....無奈.....去到neway....朵個人問我地唱唔唱happy hour.....因為如果唱k lunch既話最多唱1個鍾頭多d.....即係1;30.....但係因為肥晏d要去補習...而我又要去銅鑼灣整野喎...所以就話唔駛啦...唱K lunch就算.....但係點知最多我地都係唱到成4點鍾羅...嘩哈哈....好彩我地無話唱happy hour姐...如果唔係就shine 左d錢那.....因為我地而家都係用k lunch既價錢去唱到happy hour既時段....超低啊....而且我同肥jo仲唱到無曬心機...同埋唔知仲可以揀d咩歌黎唱羅.....超搞笑...唱完k之後....肥jo就陪我去搭地鐵那....
去到銅鑼灣...我又發揮我既路痴精神...就係周圍搵路羅...唉..我都唔知點解我成日都會當失路家.....超無奈啊.....而且我搵左好耐都搵唔到路tim羅.....所以就要搞到要去問警察叔叔路....問完警察叔叔我先至知道原來我去錯左方向....無奈...而且原來之前我係朵個地鐵站一出行上d就係...但係我就行左去另外一邊.....所以就搞到我又要行返去我之前行過既地方.....而且我仲遲到tim羅...明明約4:30......我就4:50先去到羅....去到仲要比人問我仲咩遲到既...咁我咪同佢講話我當失路羅.....唉...超"魚"啊.......
後尾整好曬我要整既野之後....都成6點鍾那....之後一開電話...電話就即響...原來係有message 羅...正當我想睇既時候...電話又無啦啦響...嚇親...一睇原來係啊儀打比我.....因為我本來係約左啊儀5點鍾去行街街家...但係因為我遲左去到銅鑼灣 & 唔記得左打比佢知話比佢知我要遲d先到....所以我一聽...就比啊儀話我嚇親佢.....因為佢由4點幾打比我就打到成6點鍾先至有人聽....而且又唔知我發生d咩事喎....所以佢超擔心羅....跟住仲打埋比我屋企人tim......唉...真係超唔好意思啊...我掛住搵路都唔記得左要打電話比佢...sorry ar....跟住同佢約左係旺角等之後....佢就叫我快d打返返屋企...話比我爸b佢地知佢搵到我啦喎....因為佢之前搵唔到我....所以就打左比爸b話左比佢地知...跟住我仲同佢講話你想嚇死我爸b佢地咩....同佢收左線之後...就聽左幾個留言....全部都係爸b佢地留既....聽完之後...我就打返屋企..話比佢地知我約左啊儀啦...之後就比爸b佢話我唔知去左邊...話搵左我好耐都搵唔到我..想嚇死佢地咩咁....唉....不過我唔想家嗎.....
去到mk之後....就約左啊儀係新之城度等...而佢就去左朗豪坊買戲飛睇戲....佢買完之後就過返黎搵我....跟住我地就開始去行街街那....因為啊儀想埋衫....褲...鞋等等.....後尾買整曬佢要既野之後.....我地就諗住去pizza hut度食野那.....但係要等超耐.......因為起碼要等成十幾張桌...而我地十點鍾又要去睇戲呴.....咁所以我地就唔等...就諗住周圍行下.....睇下有冇咩野食啦...之後行行下...見到有一間"芝士屋"好似幾口味咁......咁咪入去試下羅.......跟住我地就叫左個套讀黎食....開碘都諗住應該會食得曬家啦....但係點知個套讀d野係超多家羅.....所以搞到我同啊儀都仲未食個意粉就已經覺得好飽那....而且佢碟意炒黎到之後我同啊儀就真係呆左羅....因為真係超大碟....見到都飽啊.....不過我同啊儀最後都係要食埋佢羅.....食完之後....已經飽到上心口...但係點知仲有點品喎....而且仲要係芝士蛋糕黎家tim羅....唉...想滯死人咩...咩都芝士....不過我食左少少我就無食到那.....因為我驚我真係會嘔返曬d野出黎羅....而且食完朵個餐之後我同啊儀都覺得其實朵個唔係2人套餐而係3-4人既套餐黎家羅....因為平時而我同啊儀既食量應該會食得曬家嗎.....但係今次就食到我地兩個都勁叫飽羅.....真係少見....HEHE....
食完之後就行去朗豪坊....因為我地都差唔多要入去睇戲那.....而我地今日睇既戲就係"蝙蝠俠".....都算OK.....不過係我睇緊戲既時候....就不斷有人打比我羅....而且次次都係肥媽咪佢地....因為佢地話巴士12:30就係最後一班車...叫我自己睇住D時候.....跟住過左12點既時候佢地又打電話比我問我返去未...之後我就話未....後尾過左一陣之後又打比我問我睇D咩戲....唉...我真係比佢地煩死啊....阻住人地睇戲咁鬼煩家....後尾我地睇完戲既時候已經12:25那....所以我諗我都係趕唔到去搭最後一班車家羅.....咁就同啊儀行返過去朵邊搭N車...而啊儀就搭亡命小巴....同啊儀講完拜拜之後.....就各有各走LU.....跟住詔左一陣肥媽咪就打電話話比我知我無得搭尾班車LU.....因為我實趕唔到.....咁我咪話咪我搭N車咪得羅....溫知肥媽咪就開始一輪咀係咪係度講話....下...搭N車...好危險家....你知唔知係邊度落車家.....落車朵度咁晚無人行家....而且又靜喎....又要行一段路先返到屋企.....你自己一個行係好危險家.....咁我咪話你望住我行返上去咪得羅....之後佢又話我地朵度點會望到啊....跟住佢又講一大輪野....咁我地話一係我到既時候打返屋企...叫爸B佢地落黎接我羅...佢先至係放過我....唔再講一大輪野羅.....頂癮......不過後尾我差唔多返到屋企我都係無打到去比肥媽咪羅....因為我廢事要爸B佢地特登落黎接我啦...咁八痴.....所以哩...我咪自己一個行返屋企羅...之後返到屋企肥媽咪一見到我...就即係話我仲咩唔打電話返屋企...又話LEE樣...又話朵樣...救命.....後尾佢仲要問埋我係咪我自己一個落車....又冇人同我一齊行上黎.....同我一齊落車朵個男定女......又問我朵個人行左去邊邊...唉...我鬼知咩...我落左車之後我就自己一個人行那.....我仲點會留意其實人啊.....而且我又點知朵個人行左去邊面喎...因為佢住邊邊都唔關我事家嗎......同埋我無啦啦仲咩要望朵個人係男定女哩....頂癮.....不過我真係就黎比肥媽咪嚇死家那..........
P.S 琴日因為趕住出門口....所以唔記得帶銀包....超大頭蝦羅.....不過好彩我之前買野既時候擺左D錢係"散字包"度姐...如果唔係就真係慘羅.....因為我D錢 & 咭全部都係擺曬係銀包度家羅....而且我琴日仲比曬我D身家姓命財產比啊儀羅.....因為本來琴日係我請佢食飯家嗎.....但係因為我唔記得帶銀包....所以就要A A制.....而且開頭佢剩係肯收我$100紙家炸...而其他朵D紙幣佢就唔肯收羅......不過因為我唔肯妥協既關係....所以最後佢就用左黎買香口膠.....而剩左既朵D錢我就唔肯要返辰佢自己袋返那....
P.S 2 仲有啊...琴日返到屋企諗住搵衫沖涼既時候....掛住同爸B講野....搞到我成個頭撞左落個櫃度羅....當堂痛到我死啊....而且仲"魚"左一摓tim羅.....超無奈啊....
|
