一早返到公司
手袋都未放低
清清就問我知唔知條課室鎖匙o係邊
(因為之前我借過俾一個補習班阿sir)
不過我記得好似還左架啦喎
但係又好似唔係好肯定
就o係我好苦惱...好困惑時
後面K同事既一句說話:
係咪巴西同英格蘭輸左, 你咁唔開心呀?
救命呀!
唔該你唔好o係唔適當既時候講唔適當既野啦!
唔好講咁多無謂野
唔通你見唔到我已經好煩咩?
聽到呢句
我真係想打人!

聽日又陸運會
因為4月時落大雨
取消左一日
聽日補返
希望唔落雨
一係就一早落
唔好等我地搬晒野過去
開始比賽先黎落
咁真係會好麻煩...

鍾姐既藍莓芝士cake
正!
多謝Eric既生日
如果唔係我地冇得食...

好幾日都出住太陽落雨
但係都未有機會見到彩虹...
唔開心!

點解冇朋友仔留言俾我架
係咪我個新留言板唔靚?
快d留下言啦
我唔會鬧你地講無謂野架喎
唔駛驚!