因為豆腐彤開始嬲既關係＝．＝．．所以唔打日記都係唔得既．．今日開始打番．．咁你開心未＠＠？？
點解要用呢個（叉）？？就係因為唔想有人以為我心情差．．所以比ｄ蠢既人知道我心情唔係差既．．咁你地明唔明呢？？睇你地都唔鬼明嫁啦．．即係簡單一句．．心情差囉．．點解咁就要睇落去啦∼∼∼
令我心情差既原因就係食完晚飯之後部電腦就多數比左人用嫁啦．．跟住我就唯有去洗碗啦．．洗完啦．．佢地仲未攪掂喎．．仲以為換人玩添．．我都算啦∼∼就仆左去睇電視囉．．睇到差唔多１０點啦．．佢地岩岩打到最後一鋪．．←即係麻雀．．無啦啦有條屎忽鬼ｈａｎｄ左機．．ｈａｎｄ左成幾分鐘都未走．．我就話你自己走啦．．最多扣少少分之嘛．．但係佢地又唔肯喎∼∼最後拖多幾分鐘先肯扣分走．．跟住比番部機個時就係度話唔等得咪唔好等囉．．嘩∼∼我聽到幾火呀∼∼你叫我比機你用個時咪又係煩住哂．．又話幾時得呀？？仲有幾耐呀？？你唔好話下你自己先．．仲係度話番我轉頭．．至憎呢種人呀！！跟住仲話咩１２點好同我收機．．你叫我做就得．．而家我叫你做就唔得呀？？你都痴痴地既∼∼真係谷鬼氣．．
攪到我好似講故仔咁＝．＝．．今日都算長啦掛．．不過長而唔開心既野我唔想再打多次．．唉∼∼
獎品方面睇黎係豆腐彤拎梗啦．．你可以諗定要咩都得啦＝﹏＝．．諗好話我知∼∼
閃人∼＊
|
