這距離確是沒有問題，但我卻不知有沒有時間。9月，開始了採排未呢！

剛巧今日接到新job，健康大使計劃，我要於9月及10月各有一個禮拜日要返工，我拍擋佢唔開心呀！因為整個計劃佢要出5次，而我只出2次，我鼓勵佢將此提出。

其實真有點尷尬，我的合約只去到11月，唔知有沒有得續約，都好的，咁遠的事，還是待合約確定了才算，說起來有點擔心添。

今日在樂富有點不開心，好頭痛，雖然未至於唔敢到樂富，但心總帶點驚，然後片段又在腦海重現，我真的有點怕會在街上碰到那人。似乎我在預備著最壞的打算，但事實未必有這麼壞。

到底我會唔會整唔成芝士餅嫁，除了有張蛋糕譜不知在哪裡外。昨晚弄自製餅底時，我攪錯了份量單位，所以應該算是失敗，但焗起了時香味四溢。

不過第一次入爐的那個，因我沒有睇爐最後卻燶了。勁灰！而第二次的製成品則勁咸及散，所以我才發現出錯！哈哈！

而今晚買左消化餅，打算再接再勵，整時卻醒起用完了牛油紙，即係又整唔到！救命！

我都想過少奶生活唔駛做，但我一個禮拜都要返44小時，我是要返工的！只是時間與朝九晚六有些不同！

呀！我想到點解你搵親我我都好似唔駛做咁啦！因為如果我係中心時都未必接到你電話，所以接得電話梗係得閒時啦！

反常、反常，繼續反常，今早8時許已有知覺，我當然唔肯咁早起身，因此再睡到差不多11時才醒。

現在頭又再痛起來了！何解、何解呢！只是有點兒進度未如理想啫！駛唔駛頭痛呀！

但在中心開始有點兒"緊"了，放鬆、放鬆，學習放鬆！

難道"我"回來了！