提唔起勁工作，在中心半日說得最多的是我有病呀！

有個實習學生關心問是否頸患問題，我睇唔似囉，這個禮拜才開始每況越下。佢想介紹我去針，其實我已經針左，但身體真係需要調理。紅太陽食完了大半個月，係唔係應該要再試下，但未計點條數，仲話想開學喎。

但我實在太頂唔住自己直頭髮個樣，一定要去整左頭髮先。今次事在必行。

而談到這裡，拍擋就問：你有冇試下傷風感冒熱飲呀！你不預買黎頂住先。

係喎！點解我唔記得有呢樣野！

遊遊魂魂，好不容易才捱到6點。

拍擋今日通知我下個禮拜五去玩，吓！他話係呀！要搵日返3節，我便叫他幫我安排埋。

回家之時，雨時大時細，幸好我每每遇上的都是雨細。

聯絡不上家人，甚知返到家才知沒有飯吃，只有半份他們吃不完的三文治。拿了給我後，他們沒有理會我夠不夠飽便返了入房。

好可憐呀！已經唔舒服無乜胃口，仲要無人理。都唔知叫唔叫外賣好，還是煮個麵。

打俾友人相約去教協，他又要去睇拉闊。

正當無奈之時，救星出現啦！其實我只係想有個人呻吓，但原來佢想約我去食飯。

佢知道我唔舒服兼有電話要打後，便提議買野上黎俾我食，都好呀！唔駛落街但又人陪。

最後，幾經艱辛，我這個沒胃口的人終於都想到吃甚麼，就是gogo的意粉！

用極速幫間房清場，總算可以在房內嘆著冷氣開餐，雖然地方有點淺窄。

除意粉外，還同場加映魚肉翅及perrier，oh！perrier！多謝晒呀！見到支perrier開心晒！

我今日在中心工作上又衰左啦！仲被拍擋笑我又有污點！死啦！咁點算呀！我咪話番佢，將d污點過晒俾我。

病到甚麼都沒有心機，明明昨晚還記著今晚的相約，但到了今晚又完全忘記了，還要待你打來時，才霍然醒過來，真的不好意思，成日都咁大頭蝦。因不想草草了事，所以還是要改期進行，實在太對不起了。

電話只打了小半，明天要繼續，慕求禮拜日或之前完成。因為之前為了板板已推遲了開始。

都唔明點解腳上常常有瘀痕，今日又發現一撻，好深紫色但又不痛喎！都唔知想點！

個頭沒有飄飄了，睡前再來一杯傷風冒感熱飲，飲左，一定要快d好！