今日要番沙田，有part-time做。

因為尋日燒完街衣番黎訓唔著(擔心緊美楠d野)，攪到唔知醒，遲左個幾鐘=.=好耐冇試過番工遲到la，真對唔住。番到去要打電話，call d小朋友既家長，算順利，不過居然有兩個小朋友既名我唔識讀(中文來的)......而家d人改名改咁深做咩，罰抄抄死個o靚仔......打完(其實未打完，有d聯絡唔到)就食飯，因為我番到去果陣都已經11點幾......由於有d內疚既關係，好快食完又番左去，見頂頭上司未番就繼續打電話，打到佢番黎都仲係有d聯絡唔到(冇計，多數番緊工)，之後去左執野，執一d唔要既野，簡稱垃圾，不過係唔污漕的垃圾。

執到4點左右有人番黎幫手掉，掉完繼續打電話，不過都係call唔晒d人。之後幫手點貨，好麻煩，10幾項野，每樣由幾件到幾十件，仲要被我對果個表都唔清唔楚，負責呢個活動果個又因為要考試唔番得黎，攪左勁耐，中間又幫手影下印咁，最後攪到8點先有得走，累死......

番到tm仲要趕赴另一個約會，小鳳因為驚左放榜，叫左我地出黎陪佢"碌拎"，我又太遲收工，飯都未食就同左佢地去，見到好耐冇見既小丙同家智，大家都冇咩點變。玩完就送小鳳番去，取消左一向既糖水活動，因為小鳳唔可以咁夜訓。番到屋企先食飯，好耐冇試過咁夜食飯lu......