嘩！晏lu…聽日要拎身份證…希望打快d…

都唔知道點解d人點解會以為我咁小氣…
我邊識嬲人嫁…
不過依家鍾意搵藉口耍下人之嘛…
巧喬呀…呀蔣呀…果d呢…
我點會咁小事反面…
玩左成個禮拜都玩夠lu…

仲有…我整個schedule出o黎係因為有d人太睇得起我喇…
以為我個schedule日日full哂…唔敢約我…先整出o黎…
點知整左出o黎仲有人驚俾我拒絕唔約我囉…
直接間接搞到我少左人約…
太睇得起我喇…
我明明就係個無所事事又唔想做功課既人…
況且又唔係示愛…俾我拒絕有咩所謂喎~
多d約我出o黎我會愛你地多d嫁喎…

咁今日又訓到好晏…
lunch食自己…
o係屋企抄d食得既…之後去九龍塘…上堂…
黃浩輝唔o黎…錯過左最正果堂…
今日講野既係IMO team member…蔡潤培
剛剛才入大學…
好可愛>v<
咁開頭就講佢自己整份notes…
上網搵嫁…係節錄一個同佢一樣大既德國人既書…勁>v<
咁頭兩個鐘都ok…少少悶啦…
聽得明…學既野都ok幾好…
咁放break後講左一個theory…
最後一個鐘…「唉…唔講份notes住…悶悶地…講下IMO既野先啦」
咁就吹呀吹呀吹…講左半個鐘…
「講唔講返份notes好呢…都係唔好…我想傾多陣計…」
咁講左好多前後茅盾同好好笑好gag好可愛既野…
咁又講下IMO training d講者…邊個講得好…邊個好多…邊個教得唔好…
「校長又唔係教得唔好既…都好既…不過xxxxxx…就唔係好o岩我…」
「Dr. Lee…都教得好既…但佢真係好好人！好鍾意請人食飯…咁我上個禮拜去科大聽個talk啦…Dr. Lee又o係度喎…咁聽完個talk Dr. Lee又請人食飯」
仲講機密野…「呢d講唔講得嫁…哎…算啦…講左先」
「照道理一個國家愈大就應該愈著數愈勁既…
   新加坡係咪細過香港嫁…（眾：『係呀！』）哦…係呀？但係新加坡之前幾年又勁過香港嫁喎…
  咁加拿大大唔大過香港嫁…（眾：『哈哈哈哈…好正呀佢』）」
「咁Dr. Lee就話我地今年既目標就係要勁過新加坡同加拿大…勁過一個國家就請所有team member一餐飯…咁所以依家佢就爭我地兩餐飯…咁我講左咁耐…想講既就係…Dr. Lee真係好好人…（鼓掌）咁我上次去聽個talk…就係之前爭Bobby錢（另一個講者）（眾：『哈哈』…咁去科大還錢…就有人請食飯…幾好呢…）

到左4:55…就放…
「仲有…仲有…（諗唔倒野再吹）…咁都就o黎夠鐘嫁喇…咁講返d正經野啦…（眾[執好野]：『下？！』）」
正當以為佢想教書遲放（雖然大多人心甘情願繼續聽佢講野）…「咁我就想叫你地返去自己可以睇下份notes…咁我份notes就得d theorem既…咁大家就可以上下呢個人個網度搵Proof………………xxxxxxx」「咁大家可以走嫁喇…拜拜」

講左咁耐…其實我想話…作為一個講者…佢真係好可愛…>v<
本來臨走想影佢相…都係廢事…
其實我深信網上有佢相…

其實我都好想入港隊…雖然佢話有好多入過港隊入未入大學既人reserve左d位…話今年6個位…應該俾人霸左5個…話我地係爭一個位…勁打擊信心…
但到form 6…希望起碼入倒一次起碼後備…
或者…去下d國內比賽…
去IMO最大既好處…就係可以包食宿…免費歐/美旅行（雖然記得有屆去Vietnam><）…仲有野送…！！！
佢都仲講左d鼓勵既說話補飛…
學MO佢的確係個好榜樣…
起碼難得有個IMO training入面唔呆既人…

之後上完堂…坐火車…
打算hea到6點先返到大埔…
可以撞下親愛既巧喬…
咁我坐緊火車想去廁所…就o係大圍落車…去火車站個toilet…
跟住呢…忽然諗起不如去沙田火車站果間賣曲奇既野買曲奇…
好好食的…上次贏錢身痕見佢買一送一就買左…勁抵食又好食喎上次…
今次…當然又贏錢身痕…
點知…去到…摺左…唔知係咪裝修…勁唔開心…
pappagallo又閂左門…冇曲奇食…
一場o黎到…出左閘…o徙左兩個九車錢…點都買d野…
於是o係零食物語買左買一送二既刀豆…$15有三罐…勁抵…
之後見未夠鐘…去優φ良品睇…
見倒同芒果乾冇乜分別既芒果肉…
芒果乾一磅要100蚊嫁平時…太貴平時冇食…
今次見倒6成優錢既芒果肉…再半價…$30買左一磅返去…
齋燒鵝又買一送一…買左一磅…$14咋…
仲想買一磅芝麻鱈魚乾嫁…又半價…$24磅…
抵食到爛…1磅起碼多過半個cushion咁多大包…有排食
眼見手上有個cushion = ='''
食唔哂…冇買到…但勁想食…只好忍手下次買…

去到大埔火車站…M記牌…唔早唔遲剛好6點…
點知去到d人唔多識…
最熟查查…不斷話我想等昫彤…梗係唔想有命燒野食…想等人燒落去俾佢食啦！
等左陣見倒巧喬…佢以為我去既…我特登撞下佢咋…
佢約我星期四、五同佢玩…我未應丞…叫佢今晚打俾我…點知冇打！！！唔去嫁我><！！！！！
咁之後唐太指住我問黃文威…「呢個邊個o黎嫁…點解會o係度既？」「柳景揚xxxxxxxxxxxxx（聽唔倒）」
之後同巧喬傾左陣…俾人isolate左陣…打左查查一陣…
丞軒遲左3個字…跟住我就返閨…
返到屋企諗住同家姐去買野飲送我剛買既野食…結果呢個時候老豆買左野飲返o黎= =''

之後就…冇乜野…約唔倒人打牌咁解…
聽日終於去整身份證…睇怕冇人遲得過我…