今日放工
諗住去銀行還卡數
點知...
真係趕唔切
算!
遲d先還囉
好巴閉咩!

返到屋企
飯都冇食
開始執屋
(1) 衣櫃 (將新衫同去完旅行d衫放返入去)
(2) 書櫃 (將d唔要既書/簿掉左, 放返之前買既新書入去)
(3) 房櫃 (將d舊notes狠狠地掉晒, 空個位俾我放漫畫)
(4) 洗碗
(5) 床 (將床頭d信收返好)
(6) 飯枱 (將所有垃垃雜雜既野掉左, 洗返個全盒...過完年到而家先洗)
真係...勁多野執
垃圾都掉左幾大袋
(可想而知我間屋係...幾亂!)
最後換埋床單
呢個時候係最痛苦既一刻
因為...我係訓上格床
訓上格床最痛苦莫過於換床單
呢一刻已經好攰
手軟腳軟啦
媽媽就o係呢個時候打返黎
問我食唔食野
即刻叫佢買幾粒燒賣頂下肚!

沖完涼食野
燒賣加檸樂
爽!

好想親口同你講/send sms俾你
叫你要小心d
(雖然我好信得過你!)
but...呢d事都唔到我做!
唯有放o係心入面啦!