今日收到個壞消息，馬仔唔見左個電話，又一個被人偷電話，唉~~本來佢諗住同阿康黎我度打桌球既，一見面就同我講左呢個壞消息，武獅果陣唔見個wo，真黑仔......之後我地仲比人地遲左30秒book張枱，攪到冇得打，馬仔話係佢太黑仔先會咁，算la，時也命也，呢個世界既野好難講既，當破財擋災la，話唔定你部電話而家已經爆左炸死左果個仆x呢~聽日頭條......

本來今日諗住同美楠去宜家行下(又去!?(laulau既反應))，不過佢又要陪屋企人同做功課，我又唔係好知醒，最後都冇去到，過左12點，一個星期冇見佢la，以前幾個月唔見都試過，呢排我已經唔想再係咁。以前覺得咁都冇咩所謂，而家諗過之後，發現真係唔係一件好事，3年幾既路，你而家叫我諗番起一d難忘d既片段，居然真係要諗下先有......聽晚睇下陪唔陪到佢食飯先，因為又要返康文署，未知幾點有得走，不過我係度應承自己，一定盡趕!!!