剛剛已經完全打好既一篇日記，比我好多手咁按左幾下shift攪到重開機，冇晒......算數由頭打過，以下係我背番出黎既內容......

估唔到11月都仲有雨落，一間真係要睇下天氣報告睇下咩事先得。(呢個時候其實天氣報告已經完左，只因為我頭先真係咁打，所以照背......以下都係la，括號入面既係我後加ga la)

lunch hour番左二中，因為尋日美楠漏低左d野係我度。本來係約左佢食飯比番佢既，點知因為尋日同佢過左果幾個鐘，令我比之前冇見佢成個月更加掛住佢，訓唔著，反而攪到我今日見佢既時間少左。12:20先比佢叫醒左我，我講完sorry就即刻起身番去，比著以前既我未必會咁願意咁做，但係我今日真係只係為左想見下佢而番去，比唔比番d野佢反而對我一d都唔重要。尋日果幾個鐘令我更加愛上呢個人。我番到去都真係只係見左佢一面咁大把，反而見番其他中學既朋友令我更加開心，彷彿返左中學時代一樣，每日都無憂無慮。

佢地lunch time完左我就走la，出旺角見工。今次比較特別d，任你地估都未必估到，等你地估下先la，提示係時間彈性、時薪性、同埋個地方都離d繁華地區幾遠，係咁多，估下la~~今次搵新工，係因為而家果份marketing多數都係差唔多夜晚先有野做，朝早可以做多份時間彈性d既工，咁岩家姐又有介紹，咪去見下囉。成功被錄用，聽日番工~~

再之後番左公司，有d問題出現左，令我有d掐入困境既感覺，希望快d解決件事。

7點左右番左學，學英文。令我幾開心既係我d文法冇咩點退步，做左兩份練習，一份12/25，一份11/18，唔係好既成績，不過係當年中五我既水平......估唔到咁耐冇用都冇咩點退步，不過一定有進步既必要!!!!!!不過另外有份反義詞既練習，就十題先岩得一題......再一次証明我其中一個最大既問題係唔夠生字，一間背下先~~上左三個鐘堂，總括黎講，不過不失la，無論係我既表現同上堂既氣氛質素等等都係，等我上多幾堂先講~~仲有野未講，個miss既質素就唔止不過不失la，無論身型同樣貌都算係中上，令我都留心d，哈哈~~~~

番黎既時候係巴士上，忍唔住打左個電話，打比邊個就唔駛我講la，好耐都未試過咁，我指既係我好耐冇試過掛住一個人去到咁既程度，完全係唔打呢個電話會身痕咁滯，究竟係呢個人愈來愈可愛ar，定係我到而家先真正懂得去愛人呢??無所謂la，結果一樣，我知道我而家愛既係邊個就得la~~

以上就係我頭先用幾下shift del晒既野......晒晒我d時間打多次，唉~唔背生字la，訓覺聽日番工~(呵呵，又有藉口唔溫書，真係番左中學時代一樣，哈哈~~~~)