剛剛完成左12月尾個camp既日程表，基本上都係以練波為主，難為女子組了，不過這個是"籃球訓練營"，當然地一切都以練波為住，幾位做住"mvp情人"個女主角先la(即係要照顧我地......)，籃球係我生命中一個十分重要既部分。

剛回到家的時候，差番個電話既電，先知收到楠既mag，心情立時由高處急降下來。個mag既意思大約係佢已經當左我係佢其中一個家人，我應該明白佢，所以佢冇擺時間去陪我，亦同樣地冇擺好多時間係屋企。相信大家都承認，每個人對家人都總係比較殘酷，就好似我地呢d做仔既，係屋企同阿媽講野既語氣一定比係街外同d fd講野差好多，因為都諗住一樣野，就算你對自己父母點差都好，佢地唔會唔理你，一路都會以你為先(至少我以前係咁諗)。直到我真正懂得點去做一個人既時候，我先知咁既諗法係錯既，站係你父母既角度一睇，自己含辛茹苦咁養大個仔，佢句句腰心腰肺，你會點?

總係以為家人會明白自己，應該去就自己，你又有冇諗過去了解下你既家人，去遷就一下你既家人呢?我唔係因為同果個mag反駁而咁講，只係個mag引發左我既思想姐。我一直想改，令自己對家人既語氣態度都改變過黎，只不過因為當年爺爺嫲嫲太寵我既關係(當然我自己既性格上都有呢方面既問題)，我已經習慣左去呼喝自己既家人，諗番起都覺得慚愧。我要再比心機改好佢。

打到有d眼訓，今晚番黎先再打.......

番左黎不過冇打，因為病左。係油站果陣已經好大雨，由點半開始已經落雨，一路時大時細，我走果陣居然冇雨，仲諗住係個天對我好，點知原來係玩我......走左唔夠5分鐘又黎落大雨，濕晒咁上車番黎，凍死左......最後攪到今日工都冇開，唉~~番左一個星期都唔夠就請病假......唉......唔打la，過去左既由佢過去la，無謂諗~~

p.s. et生日快樂~~