今日,我感受到好耐都未感受過既:::
冇人o係屋企既自由感覺...
朝早我專登早起身玩電腦
我聽唔到亞爸叫我起身既嘈吵聲(用嘈吵黎形容係冇錯架)
又聽唔到亞媽叫家姐起身返工既聲,
亦聽唔到亞媽自己起身周圍行既大大聲腳步聲...
只係聽到家姐個死人鬧鐘同佢自己勁勁勁勁勁嘈既聲音!
我頂佢個肺呀!難得我咁舒服!佢朝朝起身都嘈到拆天咁!頂佢丫!
成日都係咁,佢自己要起身唔關我事家嘛!
我都仲要瞓架!佢係咁o係度嘈嘈嘈...嘈鬼住晒!太過分喇!
妖...........真係丫.....仲搞到我急住走去亞媽間房瞓,
而令到個收音機耳塞條線斷左!搞到我冇得聽收音機
好在仲有個大收音機,如果唔係夜晚既森美[[禾多]]動真係...唉...
我亞爸同亞媽都去左大陸果d參觀囉
我大家姐都有去,,佢地聽日返喎..
今晚又要同家姐食飯喇...

----------------------------------

我今日對住個電腦,係咁上網,上完網又睇電視,
睇完電視又玩電腦,唉...好悶
本身諗住落街再睇下有冇EUGENE隻碟
順便買埋飯,(下午果陣啦)點知我又唔係好想落,好熱丫嘛
又難得屋企冇人,咪想搵人陪我落去食野,
有時間同埋我去銀座睇下有冇EUGENE既碟
點知搵左好耐都搵唔到人,我只好自己落去,
但臨出門口又落勁大雨,我又唔想落喇
點知搞搞下,搞到好似兩點幾,我都諗住係時候落去喇
我家姐突然打返黎問使唔使買埋我飯
我咪話好丫咁囉,雖然想落街睇EUGENE隻碟
不過我唔想落街,咁佢就返左黎喇(佢星期六係早放架)
到最後,我今日就冇出過街LU
夜晚就同家姐食飯,佢問我買飯好定佢煮好
我死都話唔落街買啦當然,如果唔係佢實叫我落去架
我就梗係死都唔肯制啦!咁佢就煮啦咁...
到左夜晚,唉呀...拎住個收音機聽好辛苦呀!
用耳塞果陣都于不知幾正呀!唉...遲d要買過個耳塞先得
同埋,橫掂森米唔係度,得leo同細so兩個,都冇咁好聽
又冇笑談廣東話,又咁辛苦囉聽得,我就乖乖地咁閂收音機瞓覺喇...
今日就係咁上下喇...