今日我要講ge野係好多ge,所以大家要落足眼力睇睇睇睇睇~!

    今日朝頭早就係聖誕崇拜啦~!我本身就以為好悶ge,但點知今日黎崇拜ge嘉賓係我之前見過嫁!事由係咁ge:響啱啱過左ge一個暑假,我就參加左一間教會所開ge一 D暑期班啦。咁響「畢業」果日又係請左呢組ge嘉賓,呵呵呵~!事由就係咁~!最開心ge就係佢崇拜好易好快完,正呀>.<

    跟住ge時候有開心有唔開心,但係多數都係唔開心~!>﹏<首先我地第一個節目就係表演啦~!我真係唔明點解佢地連表演都要搞針對lo~張xx出去要表演果時,d人又響到串佢,佢做錯d咩姐(雖然佢有時好衰,好賤,好晒命)。唉,我唔係唔想同唔俾你地串咀同鬧交,但唔好阻住全班同學同ck睇show啦,咁真係令我覺得好失望lo~!

    跟住玩「bo傻瓜」。玩game針對得仲勁,不過好彩呢個係全體性活動,都唔係好阻到我地「樂在其中」。玩果時好驚呀,雖然冇乜點俾人叫,但有個kai子唔知係咪唔識玩,成個吹氣鎚仔飛落我度,低能個咩!唔識就姐姐教你玩啦~!

    大食會ge時間到左!但我食左dd野,就出左去洗洗手。但見到Ivy同nicholas呀,豬仔呀佢地響出面,就以八婆同安慰者身份過去「打聽打聽」下(ps:我唔係做二五女,聽完d野同人講@@)。咁nicholas好唔開心啦!咁響走廊ge時候我就見到我英文老師Miss Wong啦!佢就俾左粒「金sa」我(我從來唔寫人地or商品d真名,除左佢ge英文名),咁我見nicholas咁唔開心,就俾左粒「金sa」佢,咁佢收到就當埸食啦~!果時覺得幫到佢都幾開心嫁,哈哈=.=跟住我地就搬移陣地,去陶藝室外面ge走廊唔知做乜(又係安慰人掛)。有件好不幸ge事發生左呀~!

    雪雪,michelle同yuki佢地就響度玩啦,就響到跑wo~!跟住跑跑下yuki就撞到陶藝室外面響wall上ge作品,咁作品冇「林」,但yuki就撞到好似好痛咁>.<當時都唔知點做好呀~!

    以上事件完左之後,咁我地就當然都係陪緊呀nick啦~!咁佢又好唔開心wo,跟住我又犧牲私之(私解我,特別係女仔,日文是也)一粒橡皮糖。當然,佢又好似我上一次俾粒「金sa」佢咁,當場食左︵︵

    咁我同shko就叫佢一齊番classroom,但佢唔肯番,又話番左仲死,咁算lo,我同shko番去先。但我番左之後都唔多放心,就番轉頭睇佢(其中一個reason就係因為ck未番課室,哈哈),又同佢傾兩句啦!咁就響cherry street(櫻桃街)果邊果條樓梯度坐啦,咁啱張xx,Ivy,彭彭,Sunny佢地黎到唔知咩事,咁個埸面勁尷尬lo。真係唔知點收科~!但後尾都搞得掂~!

    放學就同shko傾計(多數都係講人壞話>口<),跟住就冇野發生,哈哈~!

    放學去飲茶(呀媽叫的),連我最好最可以分擔我心裡面感受ge好朋友「兔兔」都響果度呀,好開心~!飲完茶,我地「a」呀媽先肯俾我地剪下個頭呀(because我地個頭真係唔多見得人,好1,2,3,4,5,6,x)~!剪得幾滿意,洗剪吹加用電髮夾都係$50,ya~!

    今日ge Blog寫完喇,88~!